اسلام آباد 18 ستمبر (اے پي پي) د آزاد کشمير وزير اعظم راجه فاروق حېدر وئيلي دي د تېرو 72 كالو راهسې كشميريان دې ازمېښت سره مخ دي٬ د تېرو 44 ورځو راهسې په مقبوضه كشمير كښې خلق بندي كړې شوې ٬ لس زره كشميريانو مېرمنو سره جنسي تېرې شوې ٬ لس زره ماشومان يتمانان كړې شوې ٬ د آزادۍ په هلو ځلو كښې به هر كشميرې تر آخري سلګۍ جنګ كوي۔ د دې خيالاتو څرګندونه ده د شورو په ورځ قامي كشمير كنفرنس ته خپلې وېنا كښې وكړه۔ ده ووئيل دوه لکھ کشميريانو د آزادۍ په هلو ځلو كښې ځانونه قربان كړي۔ ده ووئيل د زرګونو په شمېر كشميريان د بينائۍ نه محروم كړې شوې ٬ د كشمير نه پس د هند دوېم هدف پاكستان دے٬ کشميريان د خپلې بقاء جنګ كوي۔ ده وويل دا سيمه ايز جنګ نه دے او نه د دوو هېوادونو كورنۍ مسئله ده دا د لكهونو په شمېر د كشميريانو د ژوند مسئله ده٬ د آزادۍ په هلو ځلو كښې به هر كشميرې تر آخري سلګۍ جنګ كوي۔ راجه فاروق حېدر ووئيل د وزيراعظم عمران خان د ملګرو ملتونو سلامتي كونسل كښې وېنا ته سترګې په لار يو ٬ هيله لرو چې پاكستان به د كشمير مسئله په بشپړه ډول وړاندې كړي۔ ده ووئيل د كشمير په معامله په كشمير كنفرنس كولو د دواړو اړخونو كشميريان د سېنېټ د چيئرمېن مننه كوي۔ ده ووئيل تر اوسه د لكهونو په شمېر كشميريان شهيدان شوي۔ ده ووئيل هند منطقه كښې ځان رامخې ته شوې پوځي او استعماري قوت ګڼي۔ ده ووئيل کشميريان د پاکستان د بقاء جنګ كوي٬ هند د پاكستان په اوبو خېټه اچول غواړي٬ كشمير د دواړو هېوادونو سيمه ايزه شخړه نه ده۔ ده ووئيل پاكستان دې د جمو او كشمير په خلقو باور وكړي٬ كشميريان كله هم پاكستان له دهوكه نه شي وركولې۔ فاروق حېدر غريو نيولې شو او ووئيل ئې د مقبوضه کشمير اولس پاكستان پلو ګوري ٬ كه مونږ پاتې نشو نو بيا به ستاسو وجود هم سواليه نشان وي۔ وزيراعظم فاروق حېدر ووئيل پاكستان د كشميريانو د آزادۍ ضامن دے ٬ مونږ پخپلو ځواكونو باور لرو دلته به يوازې پوځ نه بلكې اولس به هم جنګ كوي٬ د اتوم بم ذكر كولو سره د خپلې كمزورۍ څرګندونه مه كوې۔ ده ووئيل د ذلت ژوند تېرول لويه سزا ده٬ وخت په تندۍ سره د لاس نه په وتو دے٬ مونږ بېلللو لپاره اوس هېڅ نه لرو٬ آخري كشميرې به هم جنګ كوي ۔ ده ووئېل٬ د اخلاقي ٬ سفارتي او د سياسي ملاتړ وخت تېر شوې او د عملي ګامونو پورته كولو وخت دے ٬مونږ به هېڅكله خپل نوم د مير جعفر او مير صادق غوندې لېكل خوښ نه كړو
