اسلام آباد ۔ 14 اګست (اے پی پی) وزیر اعظم عمران خان د شورؤ په ورځ د پاكستان د آزادۍ ورځې په موقع د آزاد جموں و کشمیر قانون سازې اسمبلۍ ته خطاب لپاره مظفرآباد ته ورسېد۔ مظفر آباد ته په رسېدو د آزاد کشمیر اولس مشر سردار مسعود خان او وزیراعظم راجه فاروق حېدر ده ته هركلې ووې۔ وزیر اعظم عمران خان ته ګارډ آف آنر وړاندې كړې شو۔ د وزيراعظم دفتر ميډيا څانګې لخوا د جاري كړې شوي بيان ترمخه حکومت دا پرېكړه كړې ده چې د اګست 14مه نېټه د آزادۍ ورځ به د مقبوضه كشمير بهادر كشميري اولس او خپلواكي ترلاسه كولو له د دوئي هڅو سره د يو والي څرګندونې په توګه لمانځلې شي۔ د بيان ترمخه د هند د آزادۍ ورځ د اګست 15مه نېټه به د كشمير د حېثيت بدلولو غېر آئيني ګام ٬ د ملګرو ملتونو د پرېكړو او كشمير كښې د بشري حقونو د خلاف ورزۍ ٬ د كرفيو نفاذ او د هند د ظالمانه ګامونو په ضد احتجاجا ً د تورې ورځې په توګه لمانځلې شي۔
