اسلام آباد ۔ 14 اګست (اے پی پی) د وزیراعظم د اطلاعاتو او خپرونو خصوصي مرستيال ډاکټر فردوس عاشق اعوان وئيلي دي كشمير كښې د بهېدونكو وينو څاڅكي زمونږ په زړونو پرېوزي۔ تر كومې چې کشمیری اولس ته د خپلواكۍ حق ترلاسه شوې نه وي د هند د وېش ايجنډا نيمګړې ده۔ دا خبره دې د آزادۍ ورځې په مهال خپل پېغام كښې وكړه۔ دې ووئيل پاکستان كښې د آزادۍ دا ورځ مونږ كشميري اولس سره د يو والي په توګه لمانځو۔ دې ووئيل پاكستان به د كشميري اولس سياسي ٬ سفارتي او اخلاقي ملاتړ جاري ساتي۔ كشمير د هند د وېش نيمګړې ايجنډا ده۔ دې ووئيل نن د آزادۍ ورځ د پخوا په مقابله كښې زيات جوش او جذبې سره لمانځلو ته اړتيا ده۔ د کشمیر په مسئله به پاكستان د هېڅ ډول لچك څرګندونه نه كوي۔ دې ووئيل هغه ورځ لرې نه ده چې كله به كشميرې اولس جوش او جذبې سره د آزادۍ ورځ لمانځي۔ ټول قام له به د بشپړه يو والي څرګندونه كول وي۔ دې ووئيل بايد نن هېڅ ډول سياسي بيانيه يا ايجنډا رامخې ته نه كړې شي۔ دې ووئيل يو موټې كېدو سره مونږ خپل غږ د نړۍ هر يو فورم ته رسولې شؤ
