د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان د پي ټي وي په هېډكوارټرز كښې د پلانټ فار پاكستان كمپائن له مخې د بوټي نال كولو په موقع څرګندونې

اسلام آباد 18 اګست (اے پي پي) د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې ونې نه يوازې سيوره وركوي بلكې د ماحولياتي الودګۍ نه په بچ كولو كښې مهم كردار ترسره كوي٬ ونې كرل صدقه جاريه او سنت نبوي دے٬ پاكستانيان دې په خپلو كورونو٬ محلو او ښارونو كښې زياتې ونې وكري۔ هغې دا خبرې د اتوار په ورځ د پي ټي وي په هېډكوارټرز كښې د پلانټ فار پاكستان كمپائن له مخې د بوټي نال كولو په موقع په خپلو خبرو كښې وكړې۔ په دې موقع د اطلاعاتو او خپرونو وفاقي سېكتره زاهده پروين٬ د پي ټي وي چيئرمېن ارشد خان او اېم ډي عامر منظور نه علاوه نور اعلٰي چارواكي هم موجود وو۔ په دې موقع د وزيراعظم خاص مرستيالې د هېواد پرمختګ٬ خوشحالې او استحكام لپاره خاص دعا هم وكړه۔ د وزيراعظم خاص مرستيالې ووئيل چې د پلانټ فار پاكستان له مخې په ټول هېواد كښې د 10 اربه ونو كرلو هدف ټاكل شوے ٬ د 190 نه په زياتو ځايونو كښې د ونې وركولو مركزونه جوړ كړې شوي دي۔ هغې ووئيل چې ونې نه يوازې سيوره وركوي بلكې د ماحولياتي الودګۍ نه په بچ كولو كښې مهم كردار ترسره كوي٬ ونې كرل صدقه جاريه او سنت نبوي دے٬ پاكستانيان دې په خپلو كورونو٬ محلو او ښارونو كښې زياتې ونې وكري۔