اسلام آباد 21 اګست (اے پی پی) د كشمير او ګلګت بلتستان چارو وفاقي وزير علي امين ګنډا پور سره د تحريك انصاف آزاد كشمير صدر بېرسټر سلطان محمود د شورو په ورځ ليدلې دي۔په ملاقات كښې د كشمير په صورتحال او د اېل او سي د تاؤ تريخوالي په اړه خبرې اترې شوې۔وفاقي وزير په اېل او سي د هندي جارحيت او ډزو غندنه كولو سره ووئيل هند په اېل او سي بې ګناه وګړي په نخښه كوي او د دې چې څومره هم غندنه وكړی شي كمه ده۔وفاقي وزير پھ مقبوضه كشمير كښې د هند اوسني اقداماتو نه پس د بشري حقونو د خلاف ورزو جاج اخستو سره ووئيل پرله پسې د كرفيو په وجه د مقبوضه كشمير اولس د اجتماعي قتل هڅې كېږي٬بېرسټر سلطان محمود د مقبوضه كشمير په صورتحال د تشويش څرګندونې سره ووئيل د مقبوضه كشمير اولس به د هند كومه هم هڅه كاميابه نه كړي او د خپلواكۍ خپل حق ترلاسه كولو له به هلې ځلې روانې ساتي
