اسلام آباد 15 جولائي (اے پي پي) وزيراعظم عمران خان وئيلي دي د قامي آمدن نزدې نيمه برخه په قرض او د سود په ادا كولو خرڅ كېږي٬ معاشي استحکام لپاره ضروري ده چې معاشي هلو ځلو ته باقاعده دستاوېزي شكل وركړې شي٬ د ټېكس دائره كارې دې زيات كړې شي خو په انضمام شوو سيمو كښې د ټېكس د شرح تعين به د سيمې د اولس ستونزو تر نظره كولې شي۔ ده دا خبرې د ګل په ورځ د ضم شوو سيمو د پرمختيائي منصوبو پېشرفت په لړ كښې د جاج غونډې مشرۍ كولو په مهال وكړې۔ په غونډه كښې په سېنېټ كښې د حكومتي ډلې مشر سناتور شبلي فراز، د خېبر پښتونخوا وزيرِ اعليٰ محمود خان، سناتورانو هدايت الله، اورنګ زېب خان، مرزا محمد آپريدي، مومن آپريدي او سجاد طوري ګډون وكړو۔ په غونډه كښې په ضم شوو سيمو كښې د روانو پرمختيائي منصوبو او د انضمام نه پس په انتظامي چارو د پېشرفت جاج واخستې شو۔ په غونډه كښې د ضم شوو سيمو سناتورانو اولس ته د پېښو مسئلو نه وزيراعظم خبر كړو۔ سناتورانو سره خپلو خبرو كښې وزيراعظم ووئيل اوسني حكومت د ضم شوو سيمو تعمير او پرمختګ لپاره د عزم څرګندونه كړې او چې څومره فنډز وركړې په ھغې قبائيلي اولس د حكومت مننه كوي۔ ده خواست وكړو چې په ضم شوو سيمو كښې د ټېكسونو نفاذ په معامله دې د سيمې د اولس ستونزې تر نظره وساتلې شي۔ په دې موقع وزيراعظم ووئيل د هر ډول كاروبار باقاعده اندراج او د ټېكس نېټ پراختيا اقتصادي پرمختګ لپاره ډېر ضروري دے٬ خو په انضمام شوو سيمو كښې د ټېكس د شرح تعين به د سيمې د اولس ستونزې تر نظره ساتلو سره كولې شي۔ ده ووئيل د قامي آمدن تقريباً نيمه برخه په قرض او د سود په ادا كولو خرڅ كېږي٬ معاشي استحکام لپاره ضروري ده چې معاشي هلو ځلو ته باقاعده دستاوېزي شكل وركړې شي او د ټېكس دائره پراخه كړې شې۔ وزيراعظم ووئيل د ضم شوو سيمو اولس ډېرې قربانۍ وركړې او ستونزو سره مخ پاتې دي٬ ده ووئېل د دې سيمو تعمير او پرمختګ او ځوانانو له روزګار كولو ته حكومت وړومبۍ پام لرنه كوي
