اسلام آباد 12 جون (اے پي پي) د وزیراعظم دفتر د وزیراعظم عمران خان په نامه اېف آئي اے كښې د انسپكټر بهرتۍ لپاره په لېټر هېډ د جعلي سفارشي خط نوټس اخستو سره وفاقي تحقيقاتي ادارې (اېف آئي اے) ته د معاملې د پلټنو امر كړے۔ د وزیراعظم آفس وياند لخوا د جاري شوي بيان مخې اېف آئي اے ته وئيلي شوې چې د دې معاملې پلټنې وكړې او په يوه اوونۍ كښې راپور راولېږۍ۔ په دې جعلي چيټۍ كښې د وزیراعظم عمران خان لخوا د اېف آئي اے په سائبر ونګ كښې د عزادار حسېن نومې كس د انسپكټر په توګه د لګولو سفارش شوے دے
