اسلام آباد 17 جون (اے پي پي﴾ د كورنيو چارو وفاقي وزير اعجاز احمد شاه سره د اېران د كورنيو چارو دوهم وزير حسېن ذوالفقاري ملاقات كړے۔ د ملاقات په مهال د اېران سفير هم موجود و۔ په ملاقات كښې د شريكې خوښې په چارو خبرې شوې۔ په ملاقات كښې د سرحدي چارو نه تر معاشي چارو د دواړو خوا په مرسته اتفاق وشو۔ د اېران د كورنيو چارو دوهم وزير د پاكستان د مثبتې رويې او مرستې ستائنه وكړه۔ د كورنيو چارو وفاقي وزير اعجاز احمد شاه په دې موقع ووئيل هڅه كوو چې اقتصادي او معاشي چارو لپاره به په ګډه كار وكړې شي۔ ده ووئيل د سيمې او معاشي پرمختګ په لار كښې خنډ جوړېدونكي عناصر ختمولو لپاره به په ګډه كار كول وي۔ د اېران د كورنيو چارو دوهم وزير ووئيل خپلو شريكو پرمختيائي چارو لپاره به پاكستان سره په ګډه كار كوو
