اسلام آباد ۔ 15مئی (اے پی پی) د خزانې سلاكار ډاكټر عبد الحفيظ شېخ وئيلي دي د پاكستان او برطانيې ترمينځھ تجارتي او اقتصادي څانګو كښې مرسته لا زياتولو ته اړتيا ده۔ د دې خيالاتو څرګندونه ده پاكستان كښې د برطانيې هائي كمشنر تھامس ډريو سره خپلو خبرو كښې وكړه چا چې د شورؤ په ورځ ده سره د خزانې وزارت كښې ملاقات وكړو۔ ملاقات كښې د شريكې خوښې په چارو هم د خيالاتو څرګندونه وشوه۔ دواړو اړخونو تجارتي او اقتصادي څانګو كښې د دوه اړخيزه مرستې لا مستحكم كولو په حاجت زور راوړو۔ د خزانې سلاكار ووئيل پاكستان او برطانيه يو بل سره پخوانۍ تاريخي اړيكې لري او دا اړيكې به په دوه اړخيزه ګټه كښې لا پراخا كول وي۔ هائي كمشنر د خزانې سلاكار ته د ذمه وارو په سنبالولو مباركي وركړه۔ ده ووئيل د دواړو هېوادونو ترمينځه په زړه پورې اړيكې دي او مونږ له به اقتصادي اړيكو ته وده وركول وي۔ ده ووئيل برټش ایئر وېز به د روان كال جون مياشت كښې پاكستان ته راځي۔ وروستو د اېشیئن ډوېلپمنټ بېنک کنټری ډائرېکټر زیاو هونګ یانګ هم د خزانې سلاكار سره ملاقات وكړو۔د خبرو اترو په مهال بېلو پرمختيائي منصوبو او پروګرامونو لپاره نوې مالي مرستې سره په اړوندو چارو د خيالاتو څرګندونه وشوه
