اسلام آباد 20 مئی (اے پی پی) خارجه وزير شاه محمود قرېشي د 18 نه تر 19 مئي د كويت سركاري دورې كړې او د كويت قيادت سره يې د شريكې خوښې په چارو خبرې اترې كړي۔خارجه وزير د خپلې دورې پھ مهال د كويت امير شېخ صباح الحمد الجابر الصباح سره ملاقات وكړو۔د خارجه وزير هركلي كولو سره د كويت امير د پاكستاني قيادت او اولس لپاره د خپلې مينې څرګندونه وكړه٬خارجه وزير د پاكستان اولس مشر د اړخه د كويت امير له د پاكستان دورې بلنه وركړه٬خارجه وزير د وزيراعظم د اړخه يو خط هم د كويت امير ته وړاندې كړو٬په خط كښې پاكستاني وګړو ته د ويزې آسانيو په حقله د مرستې خواست شوې وو۔خارجه وزير د پلاو په كچه د كويت امير سره خبرې اترې هم كړي۔په دې مهال د دوه ړاخيزه اړيكو جاج اخستلې شوې۔خارجه وزير تجويز وركړو چې دواړه هېوادونه دې اداره جاتي تګلاره وضعه كړي۔دواړه اړخه د ملګرو ملتونو٬او آئي سي٬اے سي ډي او په نور نړيوال فورمز مرستې روان ساتلو ته سلا شو۔سيمه ايز امن لپاره د كويت د هڅو اعتراف كولو سره خارجه وزير شاه محمود قرېشي٬سيمه ايز امن او استحكام ودې له د دواړو هېوادونو ترمينځه د نزدې مرستې تجويز وركړو۔خارجه وزير د كويت دوهم وزيراعظم او د كورنيو چارو وزير شېخ خالد الجراح الصباح سره هم وليدل او هغه سره يې پاكستانيانو ته د ويزې پھ اړه په ستونزو خبرې اترې وكړې۔دواړه اړخه په دې سرخط نورو خبرو كولو ته سلا شول۔په كويت كښې د مېشته پاكستانيانو د خذماتو اعتراف كولو سره دوهم وزيراعظم او د كورنيو چارو وزير د پاكستان څخه هنرمنده او پیشه وره تربيه لرونكو افرادي قوت ترلاسه كولو كښې خوښي څرګنده كړه۔اعلٰی كچ ملاقاتونو نه علاوه خارجه وزير شاه محمود قرېشي٬د كويت اعلٰی كچ كاروباري شخصياتو او سرمايه كارو سره هم ملاقات وكړو او هغوي له يې په ټولو څانګو كښې د سرمايه كارۍ كولو بلنه وركړه۔خارجه وزير هېواد ته د راستنېدو څخه وړاندې په كويت كښې پاكستاني ورورورلۍ ته خطاب هم وكړو
