د وزيراعظم عمران خان په مشرۍ كښې د حكومتي چارو ډيجيټلائزېشن او سپيځلتيا باوري كولو په حقله غونډه٬

APP101-17 ISLAMABAD: April 17 - Prime Minister Imran Khan chairs a meeting on digitalization of the government processes at PM Office. APP

اسلام آباد 17 اپرېل (اے پي پي) د وزيراعظم عمران خان په مشرۍ كښې د حكومتي چارو ډيجيټلائزېشن او د حكومت وژن له مخې سپيځلتيا باوري كول٬د سرې فيتې خاتمې٬ د مجموعي خذمات رسنې باوري كولو لپاره د بلاك چين غوندې جديد ترين آئي ټي ټېكنالوجي په كارولو غور اوشو۔د متحده عرب امارات څخه پاكستانو آئي ټي پوهانو د بېلو سركاري چارو ډيجيټلائزېشن په اړه وزيراعظم ته بريفنګ وركړو۔دا ډله د وزيراعظم د خاص چارو مرستيال ذوالفقار عباس بخاري رابللې وه۔په غونډه كښې د بلاك چين غوندې جديدې ټېكنالوجي كارولو او د حكومتي چارو سپيځلو او په موثره جوړولو د خيالاتو څرګندونه وشوه۔د بريفنګ په مهال د پاكستان لپاره نيكسټ جنرېشن ټرېډ پليټ فارم ته خاص پام لرنه وكړې شوه كوم سره به چې پاكستان خپل تجارتي شراكتدارو سره د ښه تجارت نوې دور ته داخل شي۔په دې موقع وزيراعظم ووئيل ډيجيټلائزېشن د سركاري چارو موثره او سپيځلتيا لپاره مهم دے۔آئي ټي ټېكنالوجي به د دې مسئلو حل كولو له مرستياله وګرځي ۔ده ووئيل د جديدې ټېكنالوجي سره به په معاشي پرمختګ كښې خنډان لرې شي او ډيجيټلائزېشن سره به د سركاري ادارو ترمينځه رابطې او هم غږۍ ته وده ترلاسه شي او د كاروبار آسانۍ له به مرسته ترلاسه شي۔