د روغتيا وفاقي وزير عامر محمود كياني

اسلام آباد ۔ 17 اپریل (اے پی پی) د روغتيا وفاقي وزير عامر محمود كياني وئيلي دي اولس ته د معياري داروګانو وركړې ته حكومت تر ټولو اول پام لرنه كوي ۔ د غېر رجسټرډ او سمګل شوو داروګانو خرڅونكو په ضد كرېك ډاؤن روان دے۔ د روغتيا وزارت وياند ترمخه عامر محمود كياني ووئيل كوم عناصر چې د غېر رجسټرډ او سمګل شوو داروګانو په كاروبار كښې ككړ دي دا د انسانيت دښمنان دي۔ د دوئي په ضد به سخته كارروائي كولې شي۔ ده ووئيل ډرګ رېګولېټری اتھارټی آف پاکستان لاهور د لاهور تر ټولو لوئې هول سېل ماركيټ كښې يوه لويه كارروائي كښې د لائسنس نه غېر د داروګانو په خرڅونو او سټور كولو د داروګانو لوئې مقدار ضبط كړے او فارمېسي او ورسره غېر قانوني ګودام ئې سيل كړې۔ ده ووئيل د ذمه وارو په ضد مقدمه درج كېدو سره پلټنې پېل كړې شوي۔ دغسې د ډرېپ ډلې كراچۍ او پېښور كښې د بېلو ماركيټونو معائنه كړې چرته چې غېر معياري ٬ ان رجسټرډ او سمګل شوي داروګان نيولې شوي۔ ده ووئيل د ډرګ اېكټ ترسېوري لاندې به د دوئي په ضد سخته كارروائي كولې شي