غلنئی 15 مارچ (اے پی پی) وزیرِ اعظم عمران خان ته قبائلی سيمو (پخوانۍ فاټا) خېبر پښتونخوا كښې د ضم كولو په اړه انتظامی اصلاحاتو او په امنيتي وضعه بریفنګ وركړې شو۔ په دې لړ كښې د وزیراعظم په مشرۍ كښې د جمعې په ورځ مومند هيډ کوارټر غلنئۍ كښې غونډه وشوه۔ د خېبر پښتونخواہ ګورنر شاہ فرمان، وزیرِ اعلیٰ محمود خان، د مواصلات وزیر مراد سعید، د کشمیر چارو وزير علی امېن ګنډا پور، د ِ مذهبی چارو وزير پیر نورالحق قادری، د وزیرِ اعظم سلاحكار محمد شهزاد ارباب، دوهم وزير شهریار خان آفریدی ، د پېښور کور کمانډر ، د خېبر پښتونخواہ ایډېشنل چیف سیکتر او آئی جی ایف سی بریفنګ كښې موجود وؤ۔ په غونډه كښې پخوانو قبائلی سيمو كښې انتظامی اصلاحات، اولسي نمائندګی او ځائي حکومتونو نظام، اولسې ښېګړې او پرمختيائي پروژو په اړه د اقداماتو جاج او پھ دې اړه وفاقی حکومت د روډ میپ بشپړيدو په اړه بریفنګ وركړې شو۔ په دې موقع وزیراعظم ووئيل ضم شوو سيمو كښې عدالتی نظام په زړه پورې اهمیت لري،دا خبره دې باوري كړې شي د ضم شوو سيمو پرمختيائي پروژې دې د كرپشن څخه پاكې وي او د فنډز منصفانه وېش دې باوري كړې شي۔
