اسلام آباد 15 مارچ (اے پی پی)د ريلوے وفاقی وزیر شیخ رشید احمد وئيلې دي پخواني وزیراعظم او د مسلم لیګ (ن) لارښود شاهد خاقان عباسی د ایل این جی ټھیکه د خپلې خوښې پارټو له وركړې ده ۔ د جمعې په ورځ د نیب دفتر په خوا كښې ميډيا سره په خپلو خبرو كښې ده ووئيل پخواني وزیراعظم شاهد خاقان عباسی د ایل این جی درآمد ټھیکه وركولو كښې كردار ترسره كړې ؤ چې ورسره قامی خزانې ته پھ اربونو روپۍ زيان رسېدلې٬ ده ووئيل پخواني حکومت د قطر څخه ایل این جی درآمد له به ګرانه بيعه ټھیکه وركړې۔وفاقی وزیر ووئيل زه د دې سكينډل په اړه د نیب سره مرستې له چمتو يم۔ د مسلم لیګ (ن) پخواني دور كښې د تيلو او ګاز په څانګه كښې كوم پیش رفت نه دې شوې۔ده ووئيل قطر څخه د ایل این جی درآمد ټھیکه د يو لاکھ امریکائي ډالرو په ځائې دوه لکھ 72 زره امریکائي ډالر باندې وركړې شوې۔د دې عمل په مهال دا څرګنده شوې چې ټھیکه د دوو هېوادونو ترمينځه ده دغسې يوه کمپنی دلته پاکستان كښې او بله قطر كښې جوړه شوې۔وفاقی وزیر ووئيل حکومت د توان په بحران قابو موندلو له كوټلې اقدامات کوي او حكومت سره د ګاز اوز برېښنا بيعې زياتولو نه بله كومه لاره نه وه۔ده ووئيل د ایل این جی په اړه زما كيس ساده دے۔ د پخوانو حکمرانانو د کرپشن په نتيجه كښې ملکی اقتصادی صورتحال خراب شوې او وزیر اعظم عمران خان د دې ښه كولو له غیر معمولی هڅې كوي۔
