د قامي اسمبلۍ غونډه٬مقبوضه كشمير كښې د خپلواكۍ حق لپاره هلو ځلو كوونكو كشميريانو باندې د هندي ظلم او په هند كښې د كشميريانو زده كوونكو په نښه كولو په ضد د غندنې قرارداد منظور كړی شو

اسلام آباد 20 فروري (اے پي پي) د قامي اسمبلۍ مقبوضه كشمير كښې د خپلواكۍ حق لپاره هلو ځلو كوونكو كشميريانو باندې د هندي ظلم او په هند كښې كشميريانو زده كوونكو په نښه كولو په ضد د غندنې قرارداد منظور كړی دې ۔په قرارداد كښې وئېلي شوي هند دې د ملګرو ملتونو سلامتي كونسل قراردادونو او د بشري حقونو نړيوال قوانين پاسداري وكړي٬هند دې پھ مقبوضه كشمير كښې پھ سمدستي توګه بشري حقونو ته د زيان رسولو لړۍ بنده كړي او د جمو كشمير په اړه دې د ملګرو ملتونو په هغو قرادادونو عمل وكړي كومو كښې چې د جمو كشمير اولس د قسمت پريكړه له د بې پرې رايو شمېرې كولو وئېلې شوي۔قرارداد كښې وئېلي شوي ايوان په مقبوضه كشمير كښې په پلوامه كښې د هند سنټرل ريزرو فورس په اهلكارو د بريد نه پس د هند د اړخه په پاكستان د پلټنو او شواهد نه غېر بې بنسټھ تورونه رد كوي۔قرارداد كښې وئېلي شوي ايوان د وزيراعظم عمران خان د اړخه پلوامه پیښې په اړه د عمل وړ ثبوت په وړاندې كولو د هند د اړخه د مثبت ځواب نه وركولو د افسوس څرګندونه كوي۔جمو او كشمير تراوسه يوه لويه مسئله ده كومه چې د نيمې وچې وېش راهسې راروانه ده او هند په مقبوضه كشمير كښې د ظلم بازار ګرم كړی۔دغسې غونډې په يوه خله دا قرارداد منظور كړو