د قبائلي ضلعو په عارضي توګه د بې كوره شويو كسانو د 41 زره كورونو سروې بشپړ٬ وګړي تر دې دمه معاوضو څخه محروم دي

اسلام آباد ۔ 10 جنوری (اے پی پی) د خېبر پختونخوا قبائلي ضلعو په عارضي توګه د بې كوره شويو كسانو د 41 زره كورونو سروې بشپړ شوې ولې وګړي تر دې دمه معاوضو څخه محروم دي۔ د بيا ودانۍ او بحالۍ ادارې چارواكو د زيارت په ورځ اے پي پي سره خبرو كښې ووئيل چې د خېبر پختونخوا قبائلي ضلعو په عارضي توګه د بې كوره شويو كسانو تر دې دمه د 87 زره كورونو سروې بشپړ شوې ده په كومو كښې چې د 46 زره 711 ځپليو كورنيو معاوضه په تېرو 5 كلونو كښې ادا كړې شوې ده۔ بلخوا 41 زره ځپلې كورنۍ معاوضې څخه لا محرومه دي۔ په دې لړ كښې د خزانې وزارت د بې كوره كسانو كورونو معاوضې ادائيګۍ له فنډز تر دې دمه جاري كړې نه دې۔ دا خبره دې ښكاره وي چې وفاقي حكومت د بې كوره كسانو كورونو معاوضې ادا كولو له خپل وسائل كاروي۔ دا د كوم بهرني فنډنګ برخه نه ده۔ بېخي ويجاړ شويو كورونو له د معاوضې په توګه 4 لكهه او په جزوي توګه ځپلې شويو كورونو له 160 زره روپۍ وركولې شي