اسلام آباد 07 دسمبر (اے پي پي) وزیراعظم عمران خان پاکستان كښې د مساوات او انصاف خوښې ټولنې جوړولو لپاره د خپل عزم پخلي كولو سره وئيلي دي مونږ په فلاحي رياست باور لرو٬ د ډونلډ ټرمپ د ټوئټ په ځواب كښې ټوئټ كول د ټوېټر جنګ نه دې بلكې د رېكارډ سمول وو ٬ پاکستان كښې د طالبانو پټې ژالې نشته٬ افغانستان كښې امن لپاره به خپلې په زړه پورې هڅې كوٶ٬ افغان مسئله پوځي هل نه لري٬ زما د دې موقف له امله ما ته طالبان خان هم وئېلې شوې٬ په دې خوشحاله يم چې اوس ټول خلق د افغان مسئلې د سياسي حل خبره كوي٬ د پاكستان نقطه نظر زه داسې ګڼم چې امريكې له افغانستان څخه د كال 1989 غوندې په تندۍ وتل نه دې پكار ٬ امريكې له د اسامه پحقله پاكستان سره معلومات شېئر كول پكار وٶ٬ د ممبئۍ بريد كوٶنكي انجام ته رسول غواړو٬ آئي اېم اېف سره هم خبرې اترې كوٶ خو د ګرانۍ او بې روزګارۍ زياتولو شرطونه به نه منوو۔ د امريكې ورځپاڼې واشنګټن پوسټ سره په مركه كښې وزیراعظم عمران خان ووئيل د ډونلډ ټرمپ د ټوئټ په ځواب كښې ټوئټ كول د ټوېټر جنګ نه ؤ بلكې د رېكارډ سمول وٶ٬ د ټوئټر پېغامونو تبادله د امريكې لخوا د افغان مسئلې د پوځي حل د غلطو پاليسو په حقله د پاكستان د تورن ګرځولو ځواب ٶ٬ ده ووئېل امریکائي اولس مشر تورونه لګول چې پاكستان كښې د طالبانو پټې ژالې شته۔ وزيراعظم عمران خان په سپينو ټكو ووئيل پاكستان كښې داسې هېڅ ژالې نشته۔ وزیراعظم عمران خان ووئيل كله مو چې اقتدار ترلاسه كړو نو ما ته د امنيتي ځواكونو لخوا بشپړه بريفنګ راكړې شوې٬ بريفنګ كښې ماته وئيلې شوي چې مونږ څو ځله امريكې ته وئيلي دي چې دغه ډول پټ ځايونه راته په ګوته كړې ٬ مونږ به ئې په ضد كاروائي كوٶ٬ خو حقيقت دا دې چې پاكستان كښې د طالبانو پټ ځايونه نشته۔ وزیراعظم ووئيل دا مهال پاكستان كښې 27 لكه افغان كډوال مېسته دي او دوي په لويو كمېپونو كښې اوسېږي٬ د دواړو هېوادونو ترمېنځه د پولو سخته څارنه كېږي٬ ده ووئېل د امریکې سېټلائټس او ډرون موجود دي٬ په پوله د دا ډول خلقو د تګ راتګ څارنه كېدې شي٬ ده ووئېل وړومبۍ خبره خو دا ده چې پاكستان كښې داسې پټ ځايونه نشه ٬ كه فرض كړه دوه يا درې زره طالبان د افغانستان نه پاكستان ته داخل شي نو دوي د افغان كډوالو ھغه كمېپونو ته په آسانۍ سره تللې شي۔ د امريكائي اولس مشر ټرمپ د خط په حقله ده ووئيل په افغانستان كښې امن د پاكستان په ګټه دې٬ د افغانستان امن لپاره چې د پاكستان نه څه كېدې شي كوي به٬ په طالبانو د فشار اچولو پحقله د يوې پوښتنې په ځواب وزیراعظم ووئيل مونږ به په افغانستان كښې امن لپاره خپلې په زړه پورې هڅې كوٶ٬ دا خبره ياده ساتل پكار ده چې دا مهال 40 فيصده برخه د افغان حكومت د لاسو نه وتې ده ٬ پاکستان كښې د طالبانو مشرانو ته د پناه وركولو په پوښتنه وزیراعظم ووئيل دا ډول په تورونو لګولو نه پوهېږو٬ پاكستان د نائن الېون بريدونو سره هېڅ تعلق نه لرلو٬ القاعده په افغانستان كښې وه٬ په دې بريدونو كښې د پاكستان يو وګړې هم ككړ نه ٶ ٬ د دغې باوجود پاكستان ته د امريكې په جنګ كښې د شاملېدو ووئيل شول٬ وزيراعظم عمران خان ووئېل پاکستان كښې زما پشمول ډېرو كسانو د دې جنګ مخالفت كړې٬ افغانستان كښې د روسيې په ضد جنګ كښې پاكستان د امريكې ملګرتيا كړې وه٬ كله چې په كال 1989 كښې روسيه د افغانستان نه ووتله نو امريكا هم لاړه او په پاكستان د عسكري ډلو په وړاندې د 40 لكه افغان كډوالو بوجه پرېوت٬ ده ووئېل كه مونږ د 9/11 نه پس غېر جانبداره پاتې وې نو مونږ به خپل ځان د لوي زيان نه بچ كړې ؤ كوم چې په جنګ كښې د شاملېدو له امله پاكستان كښې شوې٬ ده ووئېل د امریکې په جنګ كښې د فرنټ لائن رياست په سوب پاكستان ستونزو سره مخ شو او په دې جنګ كښې زمونږ د 80 زره نه زياتو خلقو ځانونه قربان كړي٬ مونږ دا اندازه لرو چې په دې جنګ كښې د پاكستان معيشت ته د 150 اربه ډالرو زيان رسېدلې ٬ ده ووئېل پاکستان كښې سرمايه كاري بنده شوه او د نړۍ خطرناك هېواد وګرځولې شو۔ وزیراعظم ووئيل دا خبره رښتيا ده چې په افغانستان كښې د امريكائې عسكرو شمېره كمه شوې خو افغان ملي اردو ته د امريكې لخوا مرسته ترلاسه ده ٬ طالبان هم په دې خبره پوهېږي چې افغانستان كښې امن لپاره به دوي ته د امريكې د مرستې ضرورت وي۔ د پاکستان او امریکې ترمېنځه د اريكو د پوښتنې په ځواب وزیراعظم ووئيل امریکې سره كله هم ھغه اړيكې نه غواړو چې پكښې د پاكستان حېثيت د كرائۍ د عسكر وي او پاكستان له د پېسو په بدل د نورو جنګ كول وي ٬ ده ووئېل مونږ به كله هم بيا خپل ځان دې پوزيشن ته نه بوځو ځكه چې دې سره نه يوازې مونږ ته لوے زيان رسېږي بلكې زمونږ قبائلي سيمې تباهۍ سره مخ شي او زمونږ عزت نفس ته هم زيان ورسي٫ مونږ امريكې سره مناسب اړيكې غواړو۔ وزیراعظم ووئيل چين سره زمونږ اړيكې يو اړخيزه نه دي ٬ دا د دواړو هېوادونو ترمېنځه تجارتي اړيكې دې٬ امریکې سره هم دا ډول اړيكې غواړو۔ وزیراعظم ووئيل د امريكې پاليسو سره د عدم اتفاق مطلب هېچرې دا نه دې چې تاسو د امريك
