وزيراعظم عمران خان كېچ ( بلوچستان) سيمه كښې په امنيتي ځواكونو ترسره شوې بريد په سختو ټكو كښې وغندلو ۔ د شهيد شويو اهلكارو لوړو درجو له دعا او غمژنيو كورنيو سره د خواخوږۍ څرګندونه

اسلام آباد ۔15دسمبر(اے پی پی) وزيراعظم عمران خان كېچ ( بلوچستان) سيمه كښې په امنيتي ځواكونو ترسره شوې بريد په سختو ټكو كښې غندلې او پېښه كښې د شهيد شويو اهلكارو لوړو درجو له دعا او غمژنيو كورنيو سره ئې د خواخوږۍ څرګندونه كړې ده۔ د وزیراعظم میډیا آفس لخوا جاري شوي بيان ترمخه وزیراعظم عمران خان تېره شپه كېچ بريد كښې د ژوبل شويو اهلكارو زر روغتيا له دعا وكړه۔ ده ووئيل ددښمن دا ډول د بزدلۍ بريدونه زمونږ د ځوانانو حوصلې كمزورې كولې نه شي۔ ده ووئيل د ترهګرو عناصرو په ضد به تر آخري حده ځان رسوو