د پاك ايران د ګډې سرحدي كمېشن د اكنامك كمېټۍ جوړولو پرېكړه

چاغی ۔ 13 دسمبر (اے پی پی) د پاك ايران د ګډې سرحدي كمېشن په 22 مه غونډه كښې د اكنامك كمېټۍ جوړولو پرېكړه شوې ده چې ترمخه به ئې چاغي ٬ واشك ٬ پنجګور ٬ تربت او ګوادر كښې شريك ټېكس فري ماركيټونه جوړولې شي۔ دغسې چې د پوله والو ضلعو اوسېدونكي دوه اړخيزه تجارت څخه استفاده وكړي۔ د رخشاں ډيژن كمشنر نصير احمد ناصر ترمخه په ايراني ښار زاهدان كښې شوې د پاك ايران د ګډې سرحدي كمېشن غونډه كښې د پاكستاني پلاوي مشري د بلوچستان چيف سېكتر اختر نذیر او د ايراني پلاوي مشري د سيستان بلوچستان دوهم ګورنر محمد هادي مراشي كوله۔ غونډه كښې پاكستاني پلاوي د پولې په خلاف ورزۍ ايراني چارواكو ته احتجاج وكړو او سباؤن كښې دداسې پېښو په مخنيوي ئې زور راوړو۔ غونډه كښې د ګډون كوؤنكو چارواكو لمخې په پاك ايران پوله د ترهګرۍ مخنيوي له په هڅو كولو اتفاق شوې او د نشائي توكو او بشري قاچاق مخنيوي له تګلاره هم وضعه كړې شوه۔ پاكستاني پلاوي دريځ خپل كړو چې په پاك افغان پوله د كانټا تار بشپړ كېدو سره د نشائي توكو او بشري قاچاق كښې كمې راغلې۔ غونډه كښې د پاك ايران ملګرتيا خيال ساتلو سره دوه اړخيزه مرستې ته په وده وركولو اتفاق هم وكړې شو