اسلام آباد 25 دسمبر (اے پي پي) د اطلاعاتو او خپرونو وفاقي وزير چوهدري فواد حسېن د كرسمس په موقع مسيحي ټولنې ته مباركي وركولو سره وئيلي دي چې مونږ د مسيحي وروڼو په خوشحالې كښې شريك يو۔ د نهې په ورځ په خپل پېغام كښې د اطلاعاتو او خپرونو وفاقي وزير چوهدري فواد حسېن ووئيل چې د بابائے قوم قائداعظم محمد علي جناح د بصيرت په رڼا كښې د غېر مسلم پاكستانيانو د حقونو تحفظ د پاكستان تحريك انصاف د حكومت وړومبې ترجيح ده۔ ده ووئيل چې د پاكستان آئين د اقليتونو د حقونو ضامن دے۔ ده ووئيل چې مسيحي وګړو د پاكستان مضبوطيا٬ پرمختګ٬ خوشحالې او يووالي لپاره مهم كردار ترسره كړے۔ ده ووئيل چې د تعليم او روغتيا پشمول د ژوند په نورو څانګو كښې د مسيحي ټولنې خدمات د ستائنې وړ دي۔
