اسلام آباد 18 نومبر (اے پي پي) وزيراعظم عمران خان او د متحده عرب اماراتو ولي عهد شاهزاده محمد بن زېد النهيان د پاكستان او متحده عرب اماراتو ترمېنځه اړيكې د اوږدې مودې په تزويراتي اقتصادي شركت كښې په بدلولو اتفاق كړے۔ د ابوظهبي ولي عهد او متحده عرب اماراتو د وسله والو ځواكونو كمانډر شېخ محمد بن زېد النهان په بلنه وزيراعظم عمران خان د اتوار په ورځ د متحده عرب اماراتو يوه ورځنې دوره وكړه۔ وزيراعظم سره د لوړې كچې پلاوې هم په دوره تللې و۔ د پاكستان په پلاوي كښې خارجه وزير شاہ محمود قریشي، د خزانې وزير اسد عمر، د پېټروليم وزیر غلام سرورخان، د توان دوهم وزير عمرایوب خان ،د وزيراعظم د تجارت سلاكار او سرلښكر جنرال قمر جاوېد باجوه هم شامل وو۔ شېخ محمد بن زېد النهیان د وزيراعظم عمران خان هركلې وكړو او د دې نه پس د وزيراعظم په صدارتي ماڼې كښې رسمي هركلې وشو۔ د هركلي د دستورې نه پس د دواړو هېوادونو ترمېنځه د پلاوو په كچه خبرې وشوې۔ په دبئي كښې د وزيراعظم عمران خان هركلې د متحده عرب اماراتو وزيراعظم٬ نائب صدر او د دبئي حكمران شېخ راشد المكتوم وكړو۔ وزيراعظم د شېخ زېد جومات دوره وكړه او د شهيدانو په يادګار ئې حاضري وكړه چرته چې ده شهيدانو ته د عقيدت پېرزوينې وړاندې كړې۔ ولي عهد شېخ محمد بن زېد سره د پلاوو په كچه په مذاكراتو كښې دوه اړخيزه٬ سيمه ايزو او نړيوالو چارو ته پام وكړے شو۔ د خبرو په مهال دواړو مشرانو د پاكستان او متحده عرب اماراتو ترمېنځه په اړيكو كښې په پرمختګ د اطمينان څرګندونه وشوه او دواړو هېوادونو د شركت اضافې لپاره په اقداماتو كولو اتفاق وكړو۔ دواړو مشرانو د تجارتي او اقتصادي اړيكو په قوي كولو او د دواړو هېوادونو د تجارت او سرمايه كارې په لار كښې د خنډونو په ختمولو هم اتفاق وكړو۔ دواړو مشرانو په دې وروستيو كښې د متحده عرب اماراتو د لوړې كچې پلاوي لخوا د پاكستان په دوره د اطمينان څرګندونه وكړه او د پاكستان او متحده عرب اماراتو ترمېنځه اړيكې د اوږدې مودې په تزويراتي اقتصادي شركت كښې بدلولو لپاره ئې د عزم څرګندونه وكړه۔ دواړو مشرانو د تجارت٬ سرمايه كارې٬ اقتصادي پرمختګ ٬ توان او بنيادي ودانې او د كركيلې پشمول په بېلا بېلو څانګو كښې مرستې او شركت زياتولو لپاره د جامع روډ مېټ په تشكيل كولو هم اتفاق وكړو چې دغسې د اقتصادي شركت څخه زره استفاده وكړې شي۔ وزيراعظم عمران خان او ولي عهد شاهزاده محمد بن زېد د پاكستان يو اے اي د وزارتي كميسون غونډه په فرورې كال 2019م كښې په ابوظهبي كښې د كولو پرېكړه وكړه۔ د دې غونډې مشري به د دواړو هېوادونو خارجه وزيران په شريكه كوي۔ دواړو مشرانو د پاكستان او متحده عرب اماراتو د خارجه وزارت ترمېنځه دوه اړخيزه سياسي مشاورت او زېر التوار لوظنامو ته په فاسټ ټرېك د حتمي شكل وركولو د عزم څرګندونه هم وكړه۔ دواړو مشرانو د پاكستان او متحده عرب اماراتو ترمېنځه د دفاع او سلامتيا په څانګو كښې په مرسته د اطمينان څرګندونه وكړه او د تربيې٬ شريكو مشقونو او د دفاعي پېداوار په څانګو كښې د لا كار كولو د عزم ئې وښودلو۔ دواړو مشرانو دا خبره نوټ كړه چې د پاكستان او متحده عرب اماراتو ترمېنځه د شركت بنيادي عنصر د سيمه ايز او نړيوال اهميت په چارو د دواړو هېوادونو يو ډول دريځ دے۔ دوي د دې باور څرګندونه وكړه چې د برداشت ٬ عدم مداخلې او اولسي پرمختګ په بنياد اېجنډې ته پام كولو سره په منطقه كښې پوخ امن ا و استحكام ممكن كېدے شي۔ دواړو مشرانو د ترهګرې د ټولو صورتونو او مظاهرو غندنه وكړه او د دې لعنت خاتمې لپاره ئې په نزدې كار كولو اتفاق وكړو۔ ولي عهد د ترهګرې او انتهاخوښې خاتمې لپاره د پاكستان د هڅو او د بې مثاله قربانيو اعتراف وكړو۔ دواړو هېوادونو د نړيوالو منظم جرائمو پشمول د نشه اي توكو قاچاق٬ مني لانډرنګ او د انساني قاچاق مخ نيوي لپاره د مرستې په زياتولو اتفاق وكړو۔ وزيراعظم عمران خان د متحده عرب اماراتو باني او وړومبي اولس مشر شېخ زېن بن سلطان النهيان ته د عقيدت پېرزوينه وړاندې كړه كوم چې د بصيرت لرونكې مشرې د لارې د خپلو صلاحيتونو څرګندونه كړې او د پاكستان او متحده عرب اماراتو ترمېنځه د دوستې بنياد ئې ايښې۔ وزيراعظم ووئيل چې شېخ زېد بن سلطان النهيان د پاكستان مخلص دوست و او هغه پاكستان ا و د پاكستان اولس سره مينه لرله۔ پاكستاني اولس هم په مينه ځواب وركړے۔ د پاكستان اولس د شېخ زېد بن سلطان النهيان او د متحده عرب اماراتو د مشرتابه د زړه نه قدر كوي۔ وزيراعظم د برداشت٬ اقتصادي پرمختګ٬ د ځوانانو او مېرمنو بااختياره كولو په لړ كښې د متحده عرب اماراتو كاميابې وستائيلې۔ ده په خاص توګه د سېلګرې او حكمرانې بهترې لپاره د غوره ټېكنالوجې په استعمال د متحده عرب اماراتو د كاميابو ستائنه وكړه۔ ده د پاكستان اسسټنس پروګرام د لارې د پاكستان سماجي او اقتصادي پرمختګ لپاره د متحده عرب اماراتو په پرله پسې مرسته كولو د متحده عرب اماراتو او د اماراتي مشرتابه مننه وكړه۔ ده په خاص توګه د پوليو مخ نيوي لپاره په مرسته كولو د شېخ محمد بن زېد النهيان مننه وكړه۔ وزيراعظم عمران خان متحده عرب اماراتو مشرتابه د خپل حكومت د اصلاحاتي اېجنډې نه چې پكښې د كرپشن خاتمه٬ د سپېځلتيا وده او په حكومتي كچه احتساب باوري كول شامل دي٬ په اړه خبر كړو۔ ده په اېكسپو 2020م كښې په موثر ډول ګډون كولو او دې لوي ايونټ كاميابې لپاره د پاكستان د بشپړه ملاتړ څرګندونه وكړه۔ په دې لړ كښې پاكستان اېكسپو 2020 كامياب كولو لپاره يو اے اي ته د آئي ټي پوهانو او د هنر مند كسانو د خدماتو وړاندې كولو وړاندېز وكړو۔ د متحده عرب اماراتو په پرمختګ كښې د پاكستاني پوهانو٬ هنر مند او د غېر هنر مند قوت د خدماتو اعتراف كولو سره دواړو هېوادونو د لېبر په اړه په چارو كښې د مرستې په زياتولو اتفاق وكړو۔ د وزيراعظم په دې وروستيو مياشتو كښې دا د متحده عرب اماراتو دوهمه دوره ده۔ دا دوره د پاكستان او د متحده عرب اماراتو ترمېنځه د خاص اړيكو اهميت په ډاګه كوي كومې چې د ورورولې٬ تهذيب٬ كلتور٬ مذهب او اقتصادي په بنياد اړيكې دي۔ وزيراعظم په تود هركلي كولو او كوربتوب كولو د متحده عرب اماراتو د حكومت او اولس مننه وكړه۔ ده شېخ محمد بن زېد النهيان ته په مناسب وخت د پاكستان د دورې كولو بلنه هم وركړه كومه چې شېخ محمد بن زېد النهيان قبوله كړه۔
