اسلام آباد 10 نومبر(اے پي پي) د پارلماني چارو دوهم وزير علي محمد خان وئيلي دي چې د تحريك انصاف حكومت د ملكي ادارو استحكام لپاره هڅې كوي٬ د پاكستان پيپلز ګوند او مسلم ليګ ﴿ن﴾ تېر حكومتونه ناكام و او د كمزورو پالېسو له امله ئې د هېواد معيشت ته زيان رسولې۔ يو نجي ټي وي چېنل سره په خبرو كښې ده ووئيل چې د پاكستان تحريك انصاف حكومت د ملكي ادارو استحكام لپاره هڅې كوي۔ ده ووئيل چې مونږ د احتساب نظام ښه كولو هڅې هم كوو۔ ده ووئيل چې كه مونږ كار وكړو نو په راتلونكو ټولټاكنو كښې به هم كاميابي ترلاسه كوو۔ ده ووئيل چې په شريف كورنۍ او آصف علي زرداري دائر كېسونو سره د پي ټي آئي كوم تعلق نشته۔ نېب يوه خپلواكه اداره ده كومه چې د بدعنوان عناصرو په ضد كارروائي كوي۔
