مونږ په هېواد كښې د برېښنا ارزانې پروژې لګولې٬په لږ وخت كښې او په لږ لګښت كه مونږ اېل اېن جي نه وې راوړې نو د توان مسئلې به نه وې حل شوې

اسلام آباد 23 اكتوبر (اے پی پی) پخواني وزيراعظم شاهد خاقان عباسي وئېلي دي مونږ په هېواد كښې د برېښنا ارزانې پروژې لګولې٬په لږ وخت كښې او لږ لګښت كه مونږ اېل اېن جي نه وې راوړې نو د توان مسئلې به نه وې حل شوې٬زمونږ حكومت د هېواد په تاريخ كښې پھ وړومبي ځل د 65 اربه ډالرو سرمايه كاري د سي پیك په شكل كښې پاكستان ته راوړې۔د نهې په ورځ د اطلاعات او خپرونو پخوانې وزيرې مريم اورنګزېب او د ډاكټر مصدق ملك سره يوځاې نېشنل پرېس كلب اسلام آباد كښې خبري كنفرنس ته د وېنا كولو په مهال ده ووئيل په خپل دور كښې زمونږ حكومت چې كومې هم پريكړې كړې د اولس په وړاندې په خپل فورم ځواب وركولو ته چمتو يم٬ ده ووئېل زمونږ په حكومت كښې ډېر قدرتي معدنيات موندلې شوې ٬د اېل اېن جي د لوظ نامې پاكستان ته لويه ګټھ رسيږي ٬ ده ووئېل زمونږ په دور كښې چې كومې لوظ نامې او پريكړی شوي دد اولس ګټې له شوي ٬د تېرو څو ورځو نه چې كوم تورونه لګولې كېږي وضاحت يې ضروري ګڼم۔ ده ووئېل د اېل اېن جي د ټولو لوظ نامو د پیټروليم د وزير په توګه ځواب وركولو ته چمتو يم٬د اېل اېن جي په اړه د ټولو لوظ نامو رېكارډ حكومت سره پروت دے٬دا په نړۍ كښې تر ټولو ارزانه لوظ نامې دي