د چينائي اولس مشر شي جن پنګ لخوا په پاكستان كښې د ترهګرې غندنه٬ د اولس مشر ممنون حسېن په نامه پېغام

اسلام آباد 15 جولائي (اے پي پي) د چين اولس مشر شي جن پنګ د اتوار په ورځ د پاكستان اولس مشر ممنون حسېن په نامه په پاكستان كښې ترهګرې په بريد خپل د غمرازې پېغام رالېږلې۔ د مستونګ په بريد كښې 128 كسان مړه او د 200 نه زيات ژوبل شوي وو۔ د غمرازې په خپل پېغام كښې د چين اولس مشر د چينائي حكومت او اولس لخوا ټولو ځپليو كورنيو سره غمرازي شوې۔ د چين اولس مشر وئيلي دي چې ترهګري د انسانيت شريك دښمن دے۔ چين د ترهګرې د هر ډول سخت مخالفت كوي او د بريد سخته غندنه كوي۔ ده ووئيل چې چين د ترهګرې مخ نيوي٬ قومي استحكام او د اولس د ځان او مال ساتنې لپاره د پاكستاني حكومت او اولس د بې مثاله هڅو ملاتړ كوي۔