د حكومتې اقداماتو په نتيجه كښې پاكستان كښې د بشري وسيلو څانګې بهترې شوي

اسلام آباد02 مئي (اے پي پي) د كورنيو چارو٬ منصوبه بندې او اصلاحاتو وفاقي وزير پروفېسر احسن اقبال وئيلي دي د حكومت د غوره اقداماتو په نتيجه كښې پاكستان كښې د بشري وسيلو په څانګه كښې بهتري راغلې ده ٬ په خپل ځان باور لرونكې ځوان نسل د هېواد په پرمختګ كښې زيات موثره كردار ترسره كوي۔ ده دا خبرې د ملګرو ملتونو لخوا د بشري وسيلو پرمختګ په اړه د راپور اجرا په موقع په خپله وېنا كښې وكړې۔ د كورنيو چارو وفاقي وزير ووئيل د يو اېن ډي پي راپور له مخې په پاكستان كښې د بشري وسيلو په څانګه كښې بهتري راغلې۔ ده ووئيل په هره څانګه كښې ځوانان په زيات محنت او جذبه كار كوي او په خپل ځان باور لرونكې ځوان نسل د هېواد په پرمختګ كښې زيات موثره كردار ترسره كوي۔ د كورنيو چارو وزير ووئيل مثبت سوچ سره كاميابي مقدر ګرځي ۔ منفي سوچ لرونكي وروستو پاتې كېږي۔ ده ووئيل ځوان نسل په نړيواله كچه د پاكستان غوره تشخص رامخې ته كولې شي٬ بايد ځوان نسل د كمترې په احساس اخته نه شي۔ وفاقي وزير ووئيل د ځوان نسل سباؤن بهترې لپاره مو د لوړو زده كړو كميسون بجټ د 13 اربه روپو نه 47 اربه روپو ته رسولې ۔ ده ووئيل لېپ ټاپ فار آل سكيم باندې كار كوو۔