اسلام آباد ۔ 22 مئی (اے پی پی) اتومي توان سره د برېښنا پېداوار كښې 8.25 فیصد زياتوالې شوې۔ د توان وزارت راپور ترمخه حکومت د متبادل ذريعو د لارې د توان پېداوار كښې اضافې پلو خاص پام لرنه كوي دغسې چې د انرجي مكس پالېسۍ د لارې صارفينو ته ارزانه برېښنا وركړې شي۔ په دې لړ كښې د پورته كړې شويو ګامونو په نتيجه كښې د تېر كال په مقابله كښې د هوا د لارې د پېدا كېدونكې برېښنا په پېداوار كښې 2.04 فیصد اضافه شوې۔ د راپور ترمخه د اپرېل 2017ء په مهال د اتومي توان په مرسته 361.78 ګیګاواټ برېښنا پېدا كړې شوه كومه چې د مجموعي پېداوار 0.50 فیصد وه او د اپرېل 2018ء په مهال دا پېداوار تر 835.95 ګېګاواټ زيات شو او په انرجي مكس كښې د اتومي توان برخه 8.25 فیصد ته ورسېده۔ دغسې د هواد د لارې پېدا كېدونكې د برېښنا پېداوار هم 18.64 ګېګاواټ يعني د 0.27 فیصد په مقابله كښې 206.67 ګېګاواټ یعنی 2.04 فیصد زيات شوې۔ د چارواكو وېنا ده چې د متبادل ذريعو د لارې د برېښنا يو شمېر منصوبو ترسره كېدو سره صارفينو ته د ارزانې برېښنا وركولو سره سره ماحول دوست توان ترلاسه كولو ته خاص پام كولې شي دغسې چې د توان قامي حاجت ترسره كړې شي
