پاكستان او قزاخستان خپلو كښې په شريك باور او تفاهم اډانه نزدې او د ملګرتيا اړيكې لري۔

اسلام آباد ۔ 25 اپریل (اے پی پی) وزیراعظم شاهد خاقان عباسی وئيلي دي پاكستان او قزاخستان خپلو كښې په شريك باور او تفاهم اډانه نزدې او د ملګرتيا اړيكې لري۔ د دواړو هېوادونو ترمينځه د تجارت او سرمايه كارۍ په شمول اقتصادي رابطو ته وده وركولو ته اړتيا ده۔ ده دا خبره د قزاخستان نوي سفير بارلي بې سادېقوف سره خبرو كښې وكړه چا چې د شورؤ په ورځ وزيراعظم آفس كښې وزيراعظم سره ملاقات وكړو۔ وزیراعظم د قزاخستان نوي سفير ته مباركي وركولو سره هيله ولرله چې هغه به د پاكستان او قزاخستان ترمينځھ موجوده اړيكې لا قوي كولو له خپل كردار ترسره كړي۔ ده د قزاخستان مشرتابه او د اولس پرمختګ او سوكالۍ له د نېكو هيلو څرګندونه هم وكړه۔ سفير د قزاخستان د مشرتابه لخوا نيكې هيلې وزيراعظم ته ورسولې۔ ده ووئيل قزاخستان پاکستان سره خپلې اړيكې ډېرې مهمې ګڼي۔ ده د مواصلاتي رابطو او راهداري تجارت لوظنامو په شمول پاكستان سره د تجارتي او اقتصادي اړيكو وده كښې د خپل حكومت خوښي په ډاګه كړه۔ ده وزیراعظم د اولس مشر نور سلطان نذر بایوف د قزاخستان پرمختيائي حكمت عملۍ 2050ء په اړه هم خبر كړو۔ وزیراعظم سفير لپاره د نېكو هيلو څرګندونه وكړه۔