پېښور ۔19مارچ (اے پی پی ) د خېبر ایجنسی په بېلو سيمو كښې وېړيا طبي كېمپونه ولګولې شول۔ د تحصیل جمرود او باړې پنډی للمه ملاګوری او سپین قبر كښې د ډائرېکټر هېلتھ ایجنسۍ ډاکټر ایوب آفریدی او انچارج ډاکټر حمید په نګرانۍ كښې ډاكټرانو د مريضانو وېړيا معائنه وكړه او دوئي ته ئې طبي مرسته او وېړيا داروګان وركړل۔ پنډی للمه كښې د 1381 رنځورانو او سپین قبر كښې د 1215 رنځورانو كومو كښې چې 560 كوچنيان هم شامل وو وېړيا طبي معائنه وكړې شوه۔ د دې طبي كېمپونو مقصد قبائلي سيمو كښې د بيمارو مخنيوي په اړه اولس كښې شعور پېدا كول دي۔
