اسلام آباد ۔ 18 فروری (اے پی پی) د اطلاعاتو او خپرونو پارلماني سېكتر چوهدری شهباز بابر وئيلي دي پارلېمنټ تر ټولو اعلی اداره ده۔ د هېواد قانون جوړولو يا دې كښې بدلون كولو كښې ددې مهم كردار دے۔ مسلم ليګ ن به د كال 2018ء ټاكنو ګټلو څخه وروسته آئين كښې اصلاحات كوي كوم چې زمونږ د كرڼلار برخه ده۔ د دې خيالاتو څرګندونه ده پي ټي وي سره خبرو كښې وكړه۔ ده ووئيل مسلم ليګ ن زياته قانون سازي كړې ولې په بېلو چارو كښې اوس هم قانون سازۍ ته اړتيا ده۔ ده ووئيل هېواد كښې عدليه آزادۍ سره كار كوي او پاكستان مسلم ليګ ن ددې آزادۍ لپاره ډېره خواري كړې۔ پارلماني سېكتر ووئيل د راتلونكو ټاكنو ګټلو څخه وروسته به پاكستان مسلم ليګ ن او ددې مشرتابه اولس ته د انصاف رسولو پلو خاص پام كوي۔ ده ووئيل دې سره ټولنه كښې د جرمونو كمېدو كښې به مرسته ترلاسه شي د يوې پوښتنې په ځواب ده ووئيل اولس د تحريك انصاف سياست څخه ښه خبر دے۔ دوئي د لودھراں ضمني ټاكنو كښې د پېسو سياست رد كړې۔ چوهدري شهباز ووئيل هېواد كښې د ترهګرۍ پېیښو كښې كمې ٬ د توان په ستونزه قابو موندل ٬ د قامي معيشت ښه كېدل ٬ اولس ته د روغتيا غوره اسانۍ وركول ٬ سي پېك پېل كول او د كركيلې او سړكونو بنيادي اډانه ښه كول د موجوده حكومت كاميابۍ دي۔ ده ووئيل حكومت ټاكنو څخه وړاندې خپلې ټولې منصوبې سر ته رسول غواړي او په دې كار تندۍ سره روان دے۔ ده ووئيل د تعليم په څانګه كښې ښه والې راوستلو سره سره اولس ته د ووټ د اهميت په اړه تعليم وركولو له مهم پېل كولو ته هم اړتيا ده۔
