اسلام آباد 13 فروری) اے پي پي) د دفاع وزير انجينئر خرم دستګير د خپل هندي هم څنګ نرملا سيتها رامان په ريماركس د سخت غبرګون ښودلو سره وئېلي دي پاكستان به د هند د كوم هم ناوړه ګام سم ځواب وركوي٬هند د غېر ذمه واره بيانونو او پوځي هلو ځلو د لارې منطقه كښې عدم استحكام رامخې ته كوي۔د شورو په ورځ د هندي دفاع وزير د پاكستان په اړه په ريماركس د غبرګون ښودلو سره د دفاع وزير ووئيل پاكستان به د كوم هم هندي جارحيت٬غلط فهمۍ سم ځواب وركوي۔د دفاع وزير ووئيل هند بايد د بې بنسټه تورونو لګولو په ځاې د پاكستان په ضد په رياستي كچه د روانو سازشونو ځواب وركړي۔د هغې ښكاره ثبوت د كلبهوشن په شكل كښې ګردې نړۍ ته مخامخ دے۔خرم دستګير ووئيل مونږ د خپلې خاورې د يو يو اېنچ دفاع كولې شوو۔د پاكستان وسله وال ځواكونه د ټولو امكاناتو پھ اړه بېدار او چمتو دې او د خپل سيمه ايز يو والي او د هېواد استحكام او دفاع لپاره بشپړه توګه چمتو دي او دې سره سره پاك پوځ ته د زمكيزو٬سمندري او د فضائي پولو دفاع په لړ كښې د اولس لخوا په زړه پورې ملاتړ او مرسته ترلاسه ده۔
