اسلام آباد 16 جنوري(اے پي پي) اولس مشر ممنون حسېن وئيلي دي پاکستان ترکمانستان سره خپلو اړيكو ته ډېر د قدر په سترګو ګوري٬ دواړه هېوادونه په نړوالو فورمونو د يو بل ملګرتيا كوي۔ اولس مشر دا خبرې د پاکستان په دوره راغلې د ترکمانستان خارجه وزیر راشد مدیدوف سره خپلو خبرو كښې وكړې چا چې د نهې په ورځ اولس مشر سره ايوان صدر كښې ملاقات كولو۔ اولس مشر ووئيل د تاپي ګاز پروژه نه يوازې د ګاز پائپ لائن يوه پروژه ده بلكې د بېلا بېلو هېوادونو يوه راهداري هم ده چې درناوے ئې د اولس مشر قربان علي بردي محمدوف په غاړه دے او مونږ دا خوښي لرو چې دا منصوبه زر تر زره پېل شي ٬ په ريجنل كنېكټېوېټي په لړ كښې په اشك آباد لوظنامه كښې ګډون به مونږ لپاره د خوشحالۍ سبب وي۔ اولس مشر ووئيل په يو زر مېګاٶاټ برېښنا هم مونږ د تركمانستان مننه كوٶ او توقع كوٶ چې ډېر زر به دې منصوبې څخه استفاده وكړې شي۔ اولس مشر هيله ولرله د ټرانسمېشن لائن په معاملو به هم د دواړو هېوادونو ترمېنځه د خبرو اترو نتيجه به هم ډېر زر رامخې ته شي۔ اولس مشر ووئيل د دواړو هېوادونو ترمېنځه شريك تجارت ډېر كم دے كوم كښې چې زياتول غواړي او په دې لړ كښې ضروري ده چې د دواړو هېوادونو سوداګر او صنعت كار شريكې د يو بل هېواد ته لاړ شي ۔ ده ووئيل پاكستان او ترکمانستان د توان سره په لائيو سټاك٬ تعلیم، كلتور او د سائنس او ټیکنالوجۍ په څانګو كښې يو بل سره مرسته كولي شي۔ ده د دواړو هېوادونو ترمېنځه د شريكو منصوبو پېل كولو په ضرورت هم زور رواړو۔ په دې موقع د تركمانستان خارجه وزير اولس مشر ممنون حسېن د ترکمانستان اولس مشر خاص پېغام ورسولو او د تاپي ګاز پائپ لائن منصوبې د پرانستې دستوره كښې د ګډون بلنه ئې هم وركړه۔ ده ووئيل تركمانستان په ټرانسمېشن لائن كار ترسره كړ ے دے
