اسلام آباد ۔ 07جنوری(اے پی پی) د ګلګت بلتستان او كشمير چارو وفاقي وزير چوهدري برجېس طاهر وئيلي دي د نواز شریف د وژن او (ن) لیګ حکومت پالیسیو په سوب د كال 2018 پاکستان د كال 2013 پاکستان څخه بېخي بدل او سوكاله دے۔ د كال2013 بد امنۍ ، لوډشېډنګ او معاشی بدحالۍ په مقابله كښې د نن پاكستان د امن ٬ توان او معاشي استحكام په لړ كښې زيات مستحكم شوې او د حكومت باقي پاتې موده كښې به پاکستان په هره څانګه كښې د نوازشریف د وژن ترمخه د يو مضبوط هېواد جوړولو سفر بشپړ شي۔ د عمران خان په ډول فهم نه لرونكي سياستمدار د اقتدار په لالچ كښې د دښمنانو په لاسونو كښې كارولې شي۔ د اتوار په ورځ خپل يو بيان كښې ده ووئيل مضبوطې دفاع لپاره به پاكستان له په معاشي توګه قوي او په خپلو پښو ودرېدل وي او دا د پاكستان په معاشي توګه د مستحكم كېدو نتيجه ده چې نن د امريكا لخوا د پاكستان مرستې بندولو دړكو باوجود پاكستان نن د خپلو ګټو په پرېكړو كښې آزاد دے۔ وفاقي وزير ووئيل نواز شریف اول په كال 1998 كښې د اتومي چاؤدنو په صورت كښې د پاكستان دفاع مضبوطه كړه او بيا ئې هېواد په معاشي توګه د مضبوطولو سفر پېل كړو كوم چې د بده مرغه په كال 1999 كښې ډي رېل كړې شو۔ پاکستان په معاشي توګه د قوي جوړولو سفر نواز شريف په كال 2013ﺀ كښې يو وارې بيا پېل كړو او د معاشي او قامي نوعيت سترې سترې مهمې مېګا منصوبې ئې پېل كړې د كومو پايې ته رسېدو سره به چې پاكستان يو لوئے معاشي قوت جوړ شي او د كومو نتيجې چې نن ټول اولس ته وړاندې دي۔ وفاقي وزير ووئيل هم سوب دے چې د سي پېك په ډول د مهمو منصوبو ناكامه كولو له د هند په شمول نور بهرني قوتونه د كلبوشن ياديو په شكل كښې د پاكستان په ضد كاروائۍ كوي او د قامي او معاشي اهميت دې منصوبې ناكامه كولو هڅې كوي۔ وفاقي وزير ووئيل ټول ټاكنو كښې څو مياشتې پاتې دي او ټولو سياستمدارو له به د پاكستان دفاعي او معاشي استحكام او هېواد كښې د جمهوري نظام مضبوطيا له د خپلو خبلو ذمه وارو احساس كول وي۔ د پاكستان د سباؤن پرېكړه دې په 20 كروړه اولس پرېښودلې شي۔
