اسلام آباد 16 جنوری (اے پی پی) وزيراعظم شاهد خاقان عباسي وئېلي دي اولس ته د روغتيا٬تعليم او د روزګار موقعو غوندې بنيادي آسانې وركولو ته حكومت وړومبي پام لرنه كوي ٬تعليم د ټولنې د پرمختګ كونجي وي٬د تعليم د لارې ځوانان د ژوند د چېلنجونو د مقابلې كولو او د ټولنې پرمختګ لپاره د خپلو صلاحيتونو له مخې د كردار ادا كولو جوګه كېدې شي۔ده دا خبرې د سندھ مدرسته الاسلام پوهنتون٬د ګورنمنټ سكولز لوئر ټوپه لارنس كالج٬سلك حطار او د اسلام آباد د جينكو د ماډل سكول زده كوونكو دوه جلا جلا پلاويو سره د خبرو په مهال وكړی كومو چې د نهې پھ ورځ د وزيراعظم په دفتر كښې ده سره ملاقات كولو۔دا ملاقات ځوانانو سره د وزيراعظم د رابطې د پروګرام برخه ده چې له مخې يې د بېلا بېلو تعليمي ادارو زده كوونكو ته د وزيراعظم د دفتر لخوا بلنه وركولو سره د هېواد د اعلٰی دفترو د چارو په اړه خبرتيا وركولې شي۔وزيراعظم په هېواد كښې د تعليم معيار لوړولو لپاره په نصاب كښې پھ همغږۍ هم زور راوړو۔ده ووئيل د اتلسم بدلون نه پس د تعليم څانګه صوبو ته وركړی شوې خو وفاقي حكومت د تعليمي څانګې هر ډول ممكنه مرسته كوي۔د يو زده كونكي د پوښتنې په ځواب كښې وزيراعظم ووئيل د هېواد پرمختګ لپاره د جمهوري نظام تسلسل ضروري دے۔ده زده كونكو ته ووئيل هغوي دې قامي پرمختګ او خوشحالۍ لپاره تعليم ترلاسه كولو لپاره ښه خواري وكړي ځكه چې صلاحيت لرونكې ځوانان د پاكستان د سباؤن او د قامي خوشحالۍ منزل ته د رسېدو اميدونه دي۔ده زده كوونكي د پرمختيائي چارو د لارې د پاكستان پرمختګ او د اولس د ژوند معيار لوړولو لپاره د خپل حكومت د اقداماتو څخه خبر كړل۔ده هيله څرګنده كړه چې د دې په نتيجه كښې به د عام وګړي په ژوند كښې مثبت بدلون راشي۔د يوې پوښتنې په ځواب كښې وزيراعظم ووئيل د پاكستان او چين د اقتصادي لارې پروژې له مخې د توان٬د لويو لارو او د صنعت څانګې ته خاص پام كولې شي۔د سي پیك په پروژو كښې ماحولياتي تحفظ لپاره هم خاص اقدامات شوي دي۔د يوې بلې پوښتنې په ځواب كښې وزيراعظم ووئيل په جمهوري ټولونو كښې اولس د بېلټ د لارې حكومتونه ټاكي۔ده ووئيل بايد د ووټ طاقت په اختيار او پراخا قامي ګټې له وكارولې شي۔پھ دې موقع د سندھ مدرسته الاسلام وائس چانسلر ډاكټر محمد علي شېخ بريفنګ وركړو او وې وئېل دا اداره د 1887 په وخت كښې د قائداعظم محمد علي جناح علمي اداره وه۔قائداعظم د خپل املاك يوه لويه برخه هم ادارې ته عطيه كړی وه چې دغسې د دې مشن روان وساتلې شي۔ده زده كونكو ته ووئيل د ادراې لخوا يو يوت ليډر شپ پروګرام هم پیل كړی شوې۔په دې موقع زده كوونكو د وزيراعظم د دفتر د بېلا بېلو برخو دوره وكړه چرته چې هغوي د دفتر د چارو په اړه خبر كړی شول
