پېښور ۔16 دسمبر (اے پی پی) په پېښور چارسده روډ د ګاز سېلنډر چاؤدنې پېښې په نتيجه كښې 11 تنه ژوبل شوي دي۔ د تفصيلاتو ترمخه د خالي په ورځ په پېښور چارسده روډ شېرو جنګے كښې په سي اېن جي سېټېشن كښې د ګاز سلېنډر زورورې چاؤدنې سره وچاؤدلو چې په نتيجه كښې ئې سي اېن جي ته قطار كښې ولاړو ګاډو كښې ناست كسانو كښې 11 تنه ژوبل شول او يو شمېر ګاډو ته زيان ورسېد۔ د سېلنډر چاؤدنې آواز تر لرې لرې واورېدلې شو۔ د پېښې په نتيجه كښې اور ولګېدو۔ د چاؤدنې څخه سمدستي وروستو رېسكيو عمله د پېښې ځائې ته ورسېده او ژوبل كسان ئې روغتون ته ورسول او په اور ئې قابو وموندلو۔ چاؤدنه كښې ژوبل شويو كښې 23 كلن اسماعیل٬ 24 كلن ابراھیم٬ 30 كلن ګل ولي ٬ 15 كلن فاروق ٬ 19 كلن عبدالوهاب ٬ رحمت اﷲ ٬ نصیب اﷲ ٬ صالح محمد ٬ جمروز ٬ فريد الله او ابصار شامل دي
