كه د خاص اخراجاتو په اړه پوښتنه وكړې شي٬ نو ځواب كېدے شي٬ په تفصيل سره د رقم خرڅ كولو په اړه داسې حساب كتاب نه شي كېدے

اسلام آباد 10 نومبر (اے پي پي) د تعليم او تربيې دوهم وزير بليغ الرحمان وئيلي دي چې د ترهګرې په ضد جنګ كښې پاك پوځ٬ پوليس او نورې امنيتي ادارې برخه اخلي٬ كوم يو لپاره جلا رقم نه شي بېلولې٬ كه د خاص اخراجاتو په اړه پوښتنه وكړې شي٬ نو ځواب كېدے شي٬ په تفصيل سره د رقم خرڅ كولو په اړه داسې حساب كتاب نه شي كېدے۔ د جمعې په ورځ د سېنېټ په غونډه كښې د پوښتنو دمې په مهال د سېنېټ چيئرمېن د تعليم او تربيې دوهم وزير بليغ الرحمان نه پوښتنه وكړه چې د ترهګرې په ضد د جنګ د اخراجاتو په اړه د خزانې وزارات لخوا د پوښتنې ځواب ولې ورنه كړې شو نو دوهم وزير ووئيل چې د ترهګرې په ضد جنګ كښې پاك پوځ٬ پوليس او نورې امنيتي ادارې برخه اخلي٬ كوم يو لپاره جلا رقم نه شي بېلولې٬ كه د خاص اخراجاتو په اړه پوښتنه وكړې شي٬ نو ځواب كېدے شي٬ په تفصيل سره د رقم خرڅ كولو په اړه داسې حساب كتاب نه شي كېدے۔ په دې د ناخوښې څرګندونه كولو سره د سېنېټ چيئرمېن پوښتنه راتلونكې غونډې لپاره موخر كړه۔ د پوښتنې دمې په مهال د يوې پوښتنې په ځواب نه راتللو د سېنېټ چيئرمېن د سېنېټ سېكتر او سېنېټ سكرټرېټ ته هدايت وكړو چې وزيرانو او د وزارتونو سېكترانو ته دې په تحريري توګه ووئيل شي چې د ايوان په كارروائې كښې برخه نه اخستل د ايوان په كارروائي كښې د خنډ پېدا كولو مترادف دي۔ په دې استحقاق كارروائي كېدې شي٬ اړوند سېكترانو ته به د استحقاق نوټس وركولې شي او دا معامله به د استحقاق كمېټې ته نشي لېږلې۔ حكومت ته هم وايم چې داسې سېكتران دې معطل كړے شي يا دې په اے سي آرز كښې دا شامل كړے شي۔ ده ووئيل چې د پارلمان دا ذمه واري نه ده چې هغه پرېكړه وكړي چې كوم وزارت پوښتنه قبلوي او كوم يو نه۔ پوښتنې د حكومت نه د ځواب غوښتلو يوه طريقه ده۔