اسلام آباد 02 اكتوبر (اے پي پي) پاكستان كښې د هند دوهم هائي كمشنر خارجه دفتر ته رابللو سره ركھ چكري او روالاكوټ سېكټرز كښې په 30 ستمبر او 2م اكتوبر د هندي قابض پوځ لخوا د ډز بندۍ د خلاف ورزو غندنه وكړې شوه د كومو په نتيجه كښې چې درې وګړي شهيدان او د مېرمن پشمول 5 كسان ژوبل شوي۔ د خارجه دفتر لخوا د جاري شوي بيان له مخې ډائرېكټر جنرل (سوئيلي آسيا و سارك) ډاكټر محمد فېصل د هند دوهم هائي كمشنر رابللې او د ناتاره ډزو او د ډز بندۍ د خلاف ورزو ئې غندنه وكړه۔ د تېرو 12 ورځو په مهال د هندي پوځ لخوا د ډز بندۍ دا پنځمه خلاف ورزي ده٬ د زغم او تحمل په څرګندونه زور وروكولو باوجود هند پرله پسې د ډز بندۍ په خلاف ورزيو كښې ككړ دې۔ په كال 2017 كښې تر اوسه د هندي پوځ لخوا په كنټرول لائن او وركنګ باونډري د 900 نه زياتې د ډز بندۍ خلاف ورزۍ شوې دي چې په نتيجه كښې ئې 43 بې ګناه وګړي شهيدان او د 153 نه زيات ژوبل شوي دي دغسې په كال 2016 كښې 382 خلاف ورزۍ شوې وې۔ بيان كښې وئېلې شوې دي چې وګړي قصداً په نښه كولې شي كوم چې د افسوس وړ خبره ده او د انساني وقار د نړيوالو بشري حقونو د قوانينو په ضد دي۔بيان كښې وئيلي شوې دي چې د هند لخوا د ډز بندۍ خلاف ورزۍ سيمه ايز امن او سلامتيا لپاره خطر دي۔ ډائرېكټر جنرل ډاكټر محمد فېصل په هند زور رواړو چې ھغه د 2003 د ډز بندۍ لوظنامې احترام وكړي او د ډز بندۍ د خلاف ورزيو پلټنې وكړي او هندي پوځ ته په صحيح معنو كښې د ډز بندۍ د احترام امر وكړي ٬ په كنټرول لائن دې د امن باوري كولو هم هدايت وكړې شي۔ ډاكټر فېصل په دې خبره هم زور رواړو چې د هند لخوا د ملګرو ملتونو پاكستان او هند لپاره پوځي مبصر ډلې ته د سلامتي كونسل د قراردادونو له مخې د وركړې شوي كردار ترسره كولو اجازه وركول پكار دي
