د اېن اے 4 په ټاكنو كښې برخه اخستونكي كانديدان او سياسي ګوندونه دې د اكتوبر د 24مې نېټې تر شپې خپل د ټاكنو كمپائن ختم كړي۔ د ټاكنو كميسون

اسلام آباد 23 اکتوبر (اے پي پي) د ټاكنو كميسون د اېن اے 4 پېښور په ضمني ټاكنو كښې برخه اخستونكو كانديدانو او سياسي ګوندونو ته وئيلي دي چې هغوي دې د اكتوبر د 24مې نېټې تر شپې خپل د ټاكنو كمپائن ختم كړي۔ د ټاكنو كميسون وئيلي دي چې دې څخه وروستو كه كوم كانديد په كومه اجتماع يا د ټاكنو مهم كښې ككړ وموندلې شو نو په ضد به ئې كاروائي كولې شي۔