د وزیراعظم شاهد خاقان عباسي د سېلابونو له امله په شوي ځاني او مالي زيان د نيپال حكومت او اولس سره د يوالي څرګندونه

اسلام آباد 22 ستمبر(اے پي پي) وزیراعظم شاهد خاقان عباسي د اوسنو سېلابونو په نتيجه كښې په شوي لوي ځاني او مالي زيان د نيپال حكومت او اولس سره د يوالي څرګندونه كولو سره وئيلي دي چې پاكستان د قدرتي آفتونو په آغيز قابو موندلو لپاره د نيپال مالي مرسته كوي۔ دا خبره وزيراعظم نيويارك كښې د ملګرو ملتونو د عمومي اسمبلۍ غونډې په مهال د نيپال خپل همڅنګ شېر بهادر دیوبا سره كړې۔د خارجه دفتر وياند له مخې د دې نه وړاندې خارجه وزير خواجه محمد آصف د سېلابونو دلاسه په شوي زيان د نيپال خپل همڅنګ كرشنا بهادر مهارا او ځپليو كورنيو سره د يوالي څرګندونه كړې وه