پاکستان پېټرولیم لمېټډ د تېرو 6 كلونو په مهال د اولسي ښېګړې په بېلا بېلو پروژو 6.32 اربه روپۍ خرڅ كړې دي

اسلام آباد 31 اګست (اے پي پي) پاکستان پیټرولیم لمېټډ ﴿ پي پي اېل﴾ د تېرو 6 كلونو په مهال د اولسي ښېګړې په بېلا بېلو پروژو 6.32 اربه روپۍ خرڅ كړې دي۔ د سركاري ذريعو له مخې د مالي كال 11- 2010 نه واخله تر مالي كال 16- 2015 پي پي اېل د كارپورېټ سماجي ذمه وارو له مخې د تېل او ګاز په پېدا كوونكو ضلعو كښې د اولس د خېر ښېګړې په پروژو 6.32 اربه روپې خرڅ كړې دي په كومو كښې چې د اوبو٬ تعليم او روغتيا پروژې شاملې دي۔ د ذريعو له مخې په 10 بلاكونو كښې د كمپنۍ لخوا د اولس د خېر ښېګړې په يو شمېر پروژو كار روان دے۔