اسلام آباد ۔ 13 جولائی (اے پی پی) هندي جارحيت سيمه ايز امن او سلامتيا له خطر دے۔ هند په قصد سره په اېل او سي تاؤ تريخوالې زياتوي۔ پاکستان هند سره ټولې حل طلب چارې د خبرو د لارې هوارول غواړي۔ د هند په خواست د كلبھوشن ياديو مور ته د وېزې په وركولو غور روان دے۔ هند د روان كال په مهال تر دې دمه په اېل او سي د جنګ بندۍ 542 ځله خلاف ورزي كړې۔ د افغانستان مسئله د پوځي طاقت د لارې حل كېدې نه شي۔ د زيارت په ورځ د خارجه دفتر وياند محمد نفيس زكريا اوونيز خبري بريفېنګ كښې د خبريالانو د بېلو پوښتنو ځوابونه وركولو په مهال ووئيل هند د كشميري اولس د آزادۍ هڅې ترهګري ثابتولو له ناكامه هڅې كوي۔ په سوئيلي آسيا كښې د امن په ځائې كېدو مسئله د كشمير مسئلې حل سره تړلې۔ وياند ووئيل د روانې اونۍ په مهال مقبوضه كشمير كښې د هندي ځواكونو د زور ظلم او زياتي په نتيجه كښې 6 بې ګناه كشميري وګړي شهيد شوي۔ بلخوا په احتجاجي مظاهرچيانو هم تشدد شوې۔ وياند ووئيل ننۍ ورځ كشميري وګړي په ټوله نړۍ كښې په 1931ﺀ كښې د شهيد شويو كسانو په ياد كښې لمانځي۔ او مونږ هم دوئي سره د يو والي څرګندونه كوؤ۔ وياند ووئيل هند د دروغو ادعاګانو او د ترهه ګرۍ كاروايو ريكارډ لري او هندي جارحيت منطقه كښې د امن او استحكام لپاره خطر دے۔ د كرنل (ر) حبيب د بې دركه كېدو په اړه د يوې پوښتنې په ځواب وياند ووئيل په دې لړ كښې نپيالي چارواكو سره تماس كښې يو۔ د افغانستان په اړه د يوې پوښتنې په ځواب كښې وياند ووئيل د افغانستان مسئله پوځي طاقت سره حل كېدې نه شي۔ ده ووئيل دا مسئله د افغان حكومت او د اولس مشرتابه ترمينځه د سياسي خبرو د لارې حل كېدې شي۔ ده ووئيل پاكستان افغانستان كښې امن او استحكام لپاره جدي هڅې كوي
