اسلام آباد ۔ 15 جولائی (اے پی پی) د خزانې وفاقي وزير اسحاق ډار د سټېټ بانك وظيفه ترسره كوؤنكي ګورنر اشرف محمود وتھرا پروفېشنلزم او عزم ستائلو سره وئيلي چې اشرف محمود د خپلې وظيفې په مهال خپل كار سره مخلص پاتے شوے او په مالياتي پالېسۍ ئې په سپېځلي ډول عملدرآد كړې او د سرمايې منډۍ په رېګولېشن كښې ئې په زړه پورې كردار ترسره كړې۔ دا خبره وفاقي وزير د وظيفه ترسره كوؤنكي د سټېټ بانك ګورنر سره خبرو كښې وكړه چاچې وفاقي وزير سره د خالي په ورځ د مخه ښې ملاقات وكړو۔ اسحاق ډار د سټېټ بنك ګورنر په توګه د اشرف محمود خذمات وستائل او د خپلې مودې په ترسره كولو ئې ده ته مباركي وركړه۔ وظيفه ترسره كوؤنكي د سټېټ بانك ګورنر د ذمه وارو ترسره كولو په مهال په مرسته كولو د وفاقي وزير مننه وكړه۔ په دې مهال د خزانې وفاقي وزير نوي ګورنر طارق باجوه ته هركلې ووې او ده لپاره ئې د نېكو هيلو څرګندونه وكړه۔ ملاقات كښې د خزانې او تجارت وزارتونو سېكتران او نور اعلی چارواكي موجود وو۔
