اسلام آباد 08 جون (اے پی پی)وزيراعظم محمد نواز شريف د پاكستان او ازبكستان ترمينځه د تجارت٬سرمايه كارۍ او د مصنوعاتو او خذماتو خپلواكه نقل وحمل آسانيو لپاره په تجارتي پاليسو كښې د مناسبو اصلاحاتو رامخې ته كولو لپاره په ګډه د كار كولو په حاجت زور راوړلو سره وئېلي دي پاكستان ټولو څانګو او په خاص توګه د اقتصادي ٬توان مرستې٬مواصلات او د بشري وسيلو پرمختګ په حقله د ازبكستان سره خپلې اړيكې پراخا كول غواړي ۔ده دا خبره د ازبكستان اولس مشر شوكت مرزا ايوف سره د زيارت په ورځ خبرو كښې كړې۔وزيراعظم ووئيل پاكستان ازبكستان سره پخپلو د ملګرتيا او ورورولۍ په اړيكو وياړ لرې ځكه چې دواړه هېوادونه شريك تاريخ٬عقيده او كلتور لري۔ده ووئيل پاكستان دوه اړخيزه اړيكې د شريكې ګټې او مرستې تر مخه لوړې كچې ته رسولو له خوښي لري۔وزيراعظم تجويز وركړو بائد دواړه هېوادونه د تجارت٬سرمايه كارۍ او مصنوعاتو او خذماتو په لړ كښې آسانيو لپاره تجارتي پالېسو كښې د مناسبه اصلاحاتو راوړلو لپاره په ګډه كار وكړي
