اسلام آباد 10 فروري (اے پي پي) وزيراعظم محمد نواز شريف وئيلي دي چې وفاقي حكومت د سندھ د كليوالو سيمو او ښارونو پرمختګ ته پام كړے۔ د توان٬ انفراسټركچر او د سماجي څانګو پشمول د سندھ اولس لپاره يو شمېر پروژې پېل كړې شوي دي٬ مونږ د ټولو ګوندونو په اتفاق سره په كراچې كښې امن راوستلو لپاره اقدام وكړو او د الله په فضل سره په كراچې كښې د امن او امان په صورتحال كښې په ځانګړې توګه بهتري راغلې۔ ده دا خبرې د سندھ ګورنر محمد زبېر سره د جمعې په ورځ په وزيراعظم هاؤس كښې د خبرو په مهال وكړې۔ وزيراعظم ووئيل چې وفاقي حكومت په پورټ قاسم پاور پلانټ٬ اېنګرو تهر پاور پروژه٬ جهم پير ونډ پاور پروژه او د تهر مائن ماؤتھـ اوريكل پروژې پشمول په سندھ كښې د توان په بېلا بېلو پروژو كار كوي۔ ده ووئيل چې تېره اونۍ ده د سندھ اولس اسانيو لپاره د كراچې نه تر حېدر آباد د موټر وے د ترسره شوي اېم نائن سېكشن پرانسته كړې وه۔ وزيراعظم ووئيل چې مونږ د كراچې سركلر رېلوے پروژه په سي پېك كښې شامله كړې او په ګرين لائن ماس ټرانزټ پروژه په تندې سره كار روان دے۔ وزيراعظم ووئيل چې د وفاقي حكومت لخوا د كے فور او لياري اېكسپرېس وے پروژې لپاره مرسته كولې شي۔ وزيراعظم ووئيل چې بايد سندھ ګورنر د وفاقي حكومت او د سندھ حكومت ترمېنځه د پل په حېث كردار ترسره كړي چې دغسې په پرمختيائي چارو په وخت په موثره توګه عمل وشي۔ د سندھ ګورنر د باور په څرګندونه د وزيراعظم مننه كولو سره ووئيل چې هغه به د سندھ اولس ګټې لپاره خپله فريضه ترسره كوي او د وفاقي او صوبائي حكومت ترمېنځه به رابطې لا قوي كړي۔