اسلام آباد 21 فروري (اے پي پي) ملګرو ملتونو وئيلي دي چې په خېبر پښتونخوا كښې په وئيل كېدونكو 26 ژبو كښې 15 ژبې د وركېدو خطر سره مخ دي۔ د نجي ټي وي چېنل له مخې د ژبو په اړه د ملګرو ملتونو ادارې ورلډ لېنګوېج ان ډېنجر وئيلي دي چې په خېبر پښتونخوا كښې په وئيل كېدونكو ژبو كښې 15 ژبې د وركېدو خطر سره مخ دي او په دې ژبو كښې 8 ژبې په چترال كښې وئيلې شي۔ د ژب پوهانو له مخې د ژبې وركېدو سره نه يوازې هغه ژبه مړه شي بلكې د دې ژبې كلتور٬ روايات٬ موسيقي او تاريخ هم له مېنځه لاړ شي۔ د پوهانو له مخې بايد حكومت د ژبو د وركېدو مخ نيوي لپاره انتظامات وكړي او مورنې ژبه دې د تعليم ژبه وګرځوي۔ د يادونې وړ ده چې د سيمه ايزو ژبو پرمختګ لپاره د عوامي نېشنل ګوند حكومت په كال 2012م كښې په خېبر پښتونخوا كښې پروموشن اف ريجنل لنګوېج اېكټ پاس كړے و خو په دې لړ كښې كومه اتھارټي جوړه نه كړې شوه۔
