نیو یارک ۔ 17 فروری (اے پی پی) ملګرو ملتونو كښې د پاكستان سفيرې ملحيه لودھي د ملګرو ملتونو لخوا د وركړې شوي خپلواكۍ حق ترلاسه كولو له د كشميري اولس د هڅو ملاتړ روان ساتلو له د خپل لوظ پخلې كړې۔ دې دا خبره نيويارك كښې د كشميري او پاكستاني كمېونټۍ غونډې ته خطاب كښې وكړه۔ دې ووئيل هند په كشميري اولس ظلم او زياتې كولو سره د دوئي د آزادۍ تحريك د مينځھ وړل غواړي۔ جولائی نه تر دې دمه په سوؤنكو كشميري وګړي شهيدان كړې شوي دي او د هندي ځواكونو د پېلټ ټوپكو كارولو په نتيجه كښې د يو شمېر وګړو د سترګو نظر تلے۔ پاكستانۍ سفيرې مليحه لودھي غونډه كښې ګډون كوؤنكو ته د كشمير مسئلې حل له د پاكستاني حكومت پورته كړې ګامونو او هڅو په اړه بريفېنګ وركړو۔ دې ووئيل وزیراعظم محمد نواز شریف د ملګرو ملتونو د نوي عمومي سېكتر وړاندې هغه وخت هم د كشمير مسئله پورته كړې وه كله چې ئې ده سره په ډیووس كښې ملاقات شوے ؤ۔ ملیحه لودھی ووئيل مونږ به د كشميري اولس د خپلواكۍ حق ترلاسه كولو له ددوئي د روانو هڅو اخلاقي ٬ سياسي او سفارتي مرسته روان ساتو۔ بلخوا د غونډ په پېل كښې مقبوضه كشمير كښې د هندي ځواكونو په كشميري اولس د روان زور ٬ ظلم او زياتي يو دستاويزي فلم هم وښودلې شو۔
