کراچی ۔ 18 فروری (اے پی پی) اولس مشر ممنون حسېن سره د سندھ ګورنر محمد زبېر د خالي په ورځ اسټېټ ګېسټ هاؤس كښې ملاقات وكړو۔ د جاری كړې شوې اعلاميې ترمخه د ملاقات په مهال د سېهون شريف پېښه په نظر كښې نيولو سره صوبه كښې د پبلك ځايونو امنيت لا ټينګولو له د پورته كړې شويو ګامونو جاج واخستې شو۔ اولس مشر په دې مهال خپلو خبرو كښې ووئيل ترهګر به په هېڅ صورت معاف كولې نه شي۔ ده ووئيل د بې ګناه وګړو ژوند سره لوبې كوونكي به خپل انجام ته رسولې شي۔ ملاقات كښې د شريكې خوښې په نورو چارو او د صوبې پرمختيائي منصوبو او سرمايه كارۍ لپاره د پياوړي چاپېرچل په باوري كولو هم د خيالاتو څرګندونه وشوه۔ دغسې ملاقات كښې سي پېك كښې د کراچی سرکلر رېلوے او د صوبې نورو منصوبو په شاملېدو هم خبرې وشوې۔ اولس مشر ووئيل د وفاقي حكومت په مرسته د پرمختيائي منصوبو كومو كښې چې ګرين لائن بس او كراچي حېدر آباد موټروے اېم 9 شامل ده پايې ته رسېدو سره به وګړو ته د تګ راتګ غوره اسانۍ وركړې شي۔ اولس مشر ووئيل وفاقي حكومت دهېواد په ټولو سيمو كښې د يو ډول پرمختګ ويژن ترمخه كار كوي۔ د سندھ ګورنر په دې مهال خپلو خبرو كښې ووئيل د وفاقي حكومت مثبت پالېسيو سره هېواد د پرمختګ او سوكالۍ په دور كښې داخل شوې او د سندھ صوبې وګړي به هم دې څخه استفاده وكړي۔
