اسلام آباد 29 جنوري (اے پي پي) د احتساب د قومي بيور﴿ نېب﴾ چيئرمېن قمر زمان چوهدري وئيلي دي چې نېب شفافيت٬ مېرټ او په قوانينو منصفانه عمل درآمد لپاره پري وېنشن كمېټې جوړې كړي دي٬ د سركاري او نجي ادارو لخوا په كال 2016م كښې 26 زره 694 شكايتونه راغلي دي٬ په صوبو كښې د روغتيا٬ تعليم او ريونيو او كورونو سوسائيټو په اړه كمېټې جوړې كړې شوې دي٬ نېب د سركاري خزانې لوټلې شوې 285 اربه روپې بېرته ترلاسه كړې دي۔ ده دا خبرې د جاج اخيستې يوې غونډې ته د وېنا كولو په مهال وكړې۔ د نېب چيئرمېن قمر زمان چوهدري ووئيل چې د سركاري او نجي ادارو لخوا په كال 2016م كښې 26 زره 694 شكايتونه راغلي٬ په دې موده كښې نېب د 10 زره 992 شكاياتو تصديق كړے٬ 7 زره 300 انكوائرې شوې دي٬ د 3 زره 648 تحقيقات كولو سره په اړوند احتساب عدالتونو كښې 2 زره 667 ريفرنسز دائر كړې شوي دي او په مجموعي توګه د سزاګانو شرح 76 فيصد پاتې شوې۔ ده ووئيل چې نېب هيله لري چې د شريكو هڅو په نتيجه كښې د بدعنوانې نه وړاندې د دې مخ نيوې كېدے شي او په دې لړ كښې ټول شراكتدار ٬ سول سوسائيټي٬ مېډيا او اولس مرسته كولې شي۔
