اسلام آباد 15 دسمبر (اے پی پی) وزيراعظم محمد نواز شريف وئيلي دي حكومت شرح نمو زياتولو ته پام لرنه كوي٬صنعتي٬زرعي او د نورو څانګو پرمختګ له به ټولې اسانۍ كارولې شي٬د هېواد څخه د بې روزګارۍ٬غريبۍ او جهالت ختمېدو انحصار په شرح نمو دے ۔د برآمدات تر 30 فيصده زياتوالي هيله لرو٬د روزګار نوې موقعې پیدا كولو او د حكومتي ايجنډې سره سره اولس ته د روغتيا او تعليم ښه آسانيو وركولو ته پام لرنه كېږي٬د ترهه ګرو ملا ماته شوې٬د فتنې او فساد له مينځه وړل زمونږ د ايمان برخه ده٬ د برېښنا لوډشېډنګ به بشپړ ختمولې شي۔د دې خيالاتو څرګندونه ده د زيارت په ورځ د ايوان هائے صنعت او تجارت 40 ايكسپورټ ايوارډ دستورې ته خپل خطاب كښې وكړه۔په دې موقع د خزانې وزير اسحاق ډار٬د تجارت وزير خرم دستګير٬د وفاق ايوان هائے صنعت او تجارت صدر عبدالرؤف عالم٬د پاكستان ټرېډ ډوېلپمنټ اتهارټي چيف ايګزېكټيو افسر اېس اېم منير٬پارلماني غړي٬سوداګر او صنعت كار هم موجود وو۔نواز شريف ووئيل چېلنجونه زيات وو پھ چې پرې قابو موندل آسان نه وو خو د لوے څښتن فضل او ستاسو مرسته زمونږ سره وه چې له امله يې په دغه ټولو چېلنجونو قابو وموندلې شوو۔وزيراعظم ووئيل هېواد كښې به د 16 نه تر 18 ساعته لوډشېډنګ كېدو٬د لوډشېډنګ ختمولو كار آسان نه وو۔ده ووئيل د ټاكنو نه پس مونږ ټولو سوچ وكړو چې په دې معاملو به څنګه قابو وموندلې شي۔مونږ له څه پريكړی كول وو او د وخت ضائع كولو نه غېر ګامونه پورته كړې شول ۔ وزيراعظم ووئېل د ټاكنو نه تر حكومت جوړولو مونږ په دې ايجنډا غور وكړو۔ده ووئيل تېرو حكومتونو او په خاص توګه 2008 نه تر 2013 كښې د توان بحران ختمولو ادعا كونكو نېټې وركولې٬په ټاكنو كښې زما د ګوند د اړخه وئېلي شوي چې موده دې وښودلې شي چې لوډشېډنګ به به څومره وخت كښې ختم كړې شي نو ما ووئيل زه وګړو ته غلطه خبره نه شم كولې چې وړاندې مونږ پخپله څه نتيجې ته ورسو نو بيا به پريكړه وكړو۔ ده ووئېل 2018 كښې به هېواد څخه په بشپړه توګه لوډشېډنګ ختم كړی شي۔وزيراعظم ووئيل مونږ له يوازې تر 2018 سوچ نه دې پكار۔ده ووئيل د تېرو حكومتونو څخه دې وپوښتلې شي چې د لوډشېډنګ لعنت چا پیدا كړی او د دې ذمه وار څوك دي۔ده ووئيل دا مسئله د مشرف دور څخه راروانه وه خو 2008 كښې جوړیدونكي حكومت هم تر 2013 دې حل له هېڅ هم نه دي كړې٬ ده ووئېل 2008 نه تر 2013 به هره ورځ د كرپشن څه نه څه سكينډل رامخې ته كېدو٬ 2013 كښې چې زمونږ حكومت جوړ شو نو تراوسه د كرپشن يو سكينډل هم نه دې رامخې ته شوې۔ده ووئيل زه پخپله د توان لپاره د وفاقي كابينې كمېټۍ چيئرمېن يم٬د دې كمېټۍ ګڼې غونډې شوي او يوازې غونډې نه بلكې كار هم شوې۔ده ووئيل تېر وختونو كښې چې څومره كمې وو د هغې لرې كولو له هم هومره وخت لګېدو۔ده ووئيل ترهه ګري يو لويې چېلنج وو خو تر ټولو وړاندې مونږ دا پريكړه وكړه چې د دغه كسانو سره خبره وكړی شي كه هغوي په سمه لار راځي نو ښه ده ګينې د عملياتو نه علاوه بله لار نشته۔ده ووئيل ترهه ګري ختمول زمونږ د ايمان برخه ده۔دا د ثواب كار دے۔ده ووئيل مونږ د لويې څښتن په فضل په ترهه ګرۍ قابو موندلې او د ترهه ګرو ملا ماته شوې۔په بلوچستان كښې به هم هره ورځ څه نه څه پیښې رامخې ته كېدې او په هغې هم قابو موندلې شوې۔وزيراعظم ووئيل مونږ له به ښه شرح نمو ته پام لرنه كول وي۔د دې لپاره چې كوم مراعات ته اړتيا ده هغه به وركولې شي او د دې موقعې څخه به ګټه پورته كولې شي۔ده ووئيل د هېواد څخه د بې روزګارۍ ٬غريبۍ او جهالت ختمول زمونږ د تږ لارې برخه ده۔وزيراعظم ووئيل په دې ټولو چېلنجونو به قابو موندلې شي٬ وزيراعظم نواز شريف ووئېل د كراچۍ رڼا ګانې بحالېږي او د وګړو باور بحال شوې۔ده ووئيل د سكارو څخه د برېښنا پېدا كولو په كارخانو هم كار روان دے٬ ۔وزيراعظم ووئيل زمونږ مقصد د برېښنا يوازې كمې لرې كول نه بلكې ارزانه برېښنا پېدا كول هم دي۔ده ووئيل په نومبر كښې زمونږ برآمدات 6.2 فيصده زيات شوي او دا به 25 نه تر 30 فيصده رسولې شي۔ده ووئيل چا چې په دهرنو كښې وخت ضائع كړې بائد د هغوي څخه دا ضرور وپوښتلې شي چې هغوي هېواد لپاره او په خاص توګه صوبې لپاره څه كړي۔وزيراعظم ووئيل مونږ پھ كراچۍ كښې د رڼا ګانو بحالولو لپاره چې كوم عمليات پیل كړي هغه به روان وي۔وزيراعظم ووئيل پھ وړومبي ځل د ګوادر نه تر كوئټې سړك جوړ شوې٬دا د پاكستان لپاره ګيم چېنجرز دے ۔په بلوچستان كښې مايوسي په خوشحالۍ بدلېږي او د دې بنياد په 2013 كښې مونږ اېښودې وو ۔ده ووئېل د اكثريت باوجود مونږ د پاكستان او بلوچستان په خاطر د هغه ځاې ګوندونو له د حكومت جوړولو بلنه وركړې وه ٬دا وړومبې ګام وو٬د كوم چې ښې نتيجې ترلاسه شوي۔مونږ د مولانا فضل الرحمان سره په ګډه په خېبرپښتونخوا كښې هم حكومت جوړولې شو خو مونږ داسې ونه كړه٬ ده ووئېل وګړي دې وګوري چې په خېبرپښتونخوا كښې كوم نوې پاكستان جوړیږي٬وزيراعظم ووئيل په هېواد كښې موټروېز جوړېږي٬د ګوادر نه تر كوئټې مزل به دوه ورځې وو خو اوس دغه مزل يو څو ساعته كښې كېږي۔دا بدلون دې كوم چې پھ بلوچستان كښې راغلې۔ده ووئيل آزاد كشمير كښې هم د پرمختګ يو نوې دور پیل كېدونكې دې٬د پرمختګ لپاره مونږ لوظي يو او هر ډول كمې به تر سره كولې شي۔ده ووئيل مونږ چا څخه نه يرېږو او په مړانه د حالاتو مقابله كوو او تر آخري وخت به د هېواد خذمت كوو۔د دې نه پس د برآمدات په لړ كښې ښې كاركردګي كوونكو برآمد كوونكو له ايكسپورټ ايوارډ وركړی شول۔
