د پاكستان او تركيې ترمېنځه د سېلګرې٬ معيشت٬ دفاع٬ تجارت او د سرمايه كارې په اړه مرستې ته اړتيا ده

اسلام آباد 17 نومبر (اے پي پي) د تركيې اولس مشر رجب طيب اردوان وئيلي دي د پاكستان او تركيې ترمېنځه د سېلګرې٬ معيشت٬ دفاع٬ تجارت او د سرمايه كارې په اړه مرستې كولو ته اړتيا ده ٬ پاكستان د خپلو اقدارو تحفظ او د جمهوريت عملي كولو سره مسامانانو لپاره يو مثال جوړ كړے٬ تركيه په كشمير كښې په هندي ظلمونو سخته اندېښنه لري او د كشميري اولس د خوښې له مخې د كشمير د مسئلې هوارے غواړي٬ په دې لړ كښې به خپل كردار ترسره كوو٬ بايد دواړه هېوادونه د خبرو اترو د لارې د مسئلې هوارے ولټوي ٬ بايد نړيوال طاقتونه هم په دې لړ كښې خپل كردار ترسره كړي٬ د پاكستان او افغانستان ترمېنځه د دوستې ښې اړيكې منطقې لپاره ضروري دي۔ د زيارت په ورځ د پارلمان شريكې غونډې ته د وېنا كولو په مهال د تركيې اولس مشر رجب طيب اردوان ووئيل زه تاسو ټولو ته د خپل ځان٬ خپل پلاوي او د ترك قام لخوا د زړه د كومي نه د جذباتو٬ احترام٬ مينې او خلوص نه ډك سلام كوم۔ ما تاسو ټولو لپاره د تركيې مينه راوړې۔ زه يو ځل بيا ټولو پاكستانيانو وروڼو ته د مينې٬ احترام او خلوص ستائنه كوم۔ده ووئېل د كال 2012م د پاكستان دورې په مهال ما د قامي اسمبلې او د سېنېټ شريكه غونډه كښې ګډون كړے و۔ كم او زيات څلور كاله پس د قامي حاكميت علامت ادارې تر چت لاندې يو ځل بيان ستاسو سره ليدنه ما لپاره ډېره د خوشحالې خبره ده۔ ده ووئيل ٬ پاكستان د خپلو اقدارو تحفظ سره سره د جمهوريت عملي كولو په لړ كښې د مسلمانانو لپاره يو مثال قائم كړے۔ په دې پياوړې كاميابي تاسو ته پېرزوينه وړاندې كوم۔ ده ووئيل د تركيې او پاكستان اړيكې د دوه هېوادونو ترمېنځه د سفارتي رابطې د كچې نه زيات خصوصيات لري۔ ترك اولس مشر ووئيل مونږ يوازې تر ټكو نه بلكې په رېښتنې معنيٰ دوه وروڼه هېوادونه يو۔ زمونږ اولسونه دا ژوره دوستي او مينه لري ځكه چې مونږ د پاكستاني وروڼو په خوشحالې او غم كښې برابر شريك اوسو۔ ده ووئېل مونږ ته معلومه ده چې ستاسو جذبات هم داسې دي۔ ده ووئيل زمونږ هېوادونو او قامونو په تاريخي اعتبار سره د دې تفاهم څرګندونه كړې۔ د مولانا جلال الدين رومي علم او فېض په پراخا معنيٰ د اناطوليا تر نړۍ خپور شوې او كوم چې شريك اقدار او اثاثه ده۔ دیر د لرې تللو ضرورت نشته٬ د تېرې يوې پېړې څخه زمونږ د شريكې دوستې نه زمونږ د ژورتيا اندازه لګېدې شي۔ ده ووئيل د چناك قلعې د معركې په مهال د زرګونو په شمېر پاكستانيان وروڼه په ډېرو سختو حالاتو كښې زمونږ مرستې ته رارسېدلي وو كوم به چې كله هم هېر نكړو او نه ئې هېرولې شو۔ ده ووئېل زمونږ د خلاصي په جنګ كښې به هم د پاكستانو مرسته عمر له زمونږ ياده وي۔ ده ووئيل د نن جهموريه تركيې په بنيادونو كښې د بلقاني جنګ په مهال د سلطنت عثمانيه مرستې له په زغل راغليو ٬د چناك قلعې په معركه او بيا د دغې نه پس د خلاصي په جنګ كښې د ګډون كوونكو او د جمهوريت اعلان نه پس هم زمونږ وطن لپاره د خدمات ترسره كوونكي عبدالرحمان پېښوري غوندې ګڼ شمېر پاكستانيانو اتلانو زمونږ په پرمختګ كښې د خوارۍ لاس دے۔ ده د عبدالرحمان پېښوري په اړه ووئيل د هغه مور بي بي اوس كور ته د راتږ پېغام رالېږلې ؤ او زمونږ ورور ورته په ځواب كښې وئيلي وو چې په اناطوليا د دښمن تر قبضې زه څنګه بېرته درتللې شم۔ زمونږ په نظر كښې د علامه محمد اقبال او محمد عاكف غوندې خلق دي٬ دا زمونږ د ازادې او روښانه سباؤن شاعران دي۔ ده وويئل د كال 1999م د زلزلې نه پس زمونږ زياته مرسته پاكستانو وروڼو كړې وه چې مونږ ئې كله هم نه شو هېرولې۔ ده ووئيل په كال 2014م كښې په صوما تركيه كښې د كان په دړد لرونكې پېښه پاكستان د يوې ورځې غم اعلان كړے و۔ ده ووئيل مونږ په دسمبر كال 2015م كښې د پېښور په يو سكول كښې د بې ګناه ماشومانو په شهادت يوه ورځ په سركاري توګه د غم اعلان كړے و۔ د پخوا او اوسني وخت دا قوي اړيكې پاكستان او تركيه يو بل ته لا نزدې كوي ۔ مونږ به انشاالله تعالٰي د ورورولې او مرستې دا ماحول په ټوله نړۍ كښې مقبول او عام كړو۔ ده ووئيل په تركيه كښې د جولائي په 15مه نېټه د بغاوت ناكامې هڅې نه پس د حكومتي انتظاميې ٬پارلمان او اولس په توګه زمونږ سره اوږه او اوږه د اودرېدونكي وړومبي هېواد په توګه د پاكستان خاص ذكر كول غواړم ۔ مونږ د پاكستان د قامي اسمبلۍ د متفقه قرارداد په ډېر احسان منلو سره هركلے كړے۔ ده ووئيل د اسمبلۍ د غړو د پلاوي لخوا په اګست كښې د تركيې ملاتړ له دوره زمونږ لپاره د ترهګرې په ضد جنګ كښې د ډاډ وړ ګرځېدلې۔ پاكستان د ترهګرې ډلې فېتو لخوا د جولائي په 15مه نېټه د بغاوت د اقدام په ضد د خپل واضح دريځ څرګندونه كولو سره د نجات په دويم جنګ كښې د تركيې د ملګرتيا ياد تازه كړے۔ ده ووئېل لوي څښتن دې ستاسو په دې مرسته خوشحاله شي او تر وروستې ورځې دې دا مرسته روانه وساتي۔ ده د پاكستان په مرسته يو ځل بيا مننه كولو سره ووئيل زه واضحه كول غواړم چې فيتو نه يوازې تركيه بلكې ټولو هېوادونو لپاره خطر پېداكوونكې يو خونړې ترهګر تنظيم دے۔ زه پوخ باور لرم چې پاكستان ته د زيان رسولو نه وړاندې به په لنډه موده كښې دا ترهګر تنظيم نېست و نابود كړے شي۔ د تركيې اولس مشر ووئيل زه په دې لړ كښې د پاكستان اوسنې پرېكړې په وخت ګڼم او د فيتو په ضد جنګ كښې په مرسته كولو مننه كوم۔ ده ووئيل زه ګڼم چې د دې ترهګرې ډلې په ضد بايد زمونږ مرسته روانه وساتلې شي۔ رجب طيب اردوان ووئيل د القاعده او د يو عنصر په توګه رامخې ته شوې ډله د داعش په شان ترهګرې ډلې يوازې او يوازې مسلمانانو ته زيان رسوي او د دين اسلام په ضد د روان جنګ له كاركونكې جوړې شوې۔ د مسلمانانو د وينې تويولو نه علاوه كوم بل مقصد نه لرونكې دا قاتله قافله به مونږ ته په لږه موده كښې له مېنځه وړل وي ګني نه په تركيه او پاكستان او نه به په اسلامي نړۍ كښې امن راشي۔ ده ووئيل كه مونږ د دې مسئلو مقابله ونه كړو نو مونږ به مسلمانان د ذلت نه خلاص نكړو۔ دين اسلام د توحيد او د وحدت پېغام وركوي۔ مونږ ټول په دې دين وياړ لرو كوم چې د زمكې نه د بدې ختمولو او د ښه كارونو درس وركوي۔ ده ووئيل په نورو ټكو كښې اسلام د ظلم٬ ناحقې او د ناانصافې په ضد د ودرېدو دين دے۔ مونږ په دې صورت يوازې د رب العالمين د احكاماتو له مخې يو امت جوړېدے شو۔ ده ووئېل ترهګرې ډلې د مسلمانانو ترمېنځه د كركې پېدا كولو لار هواروي۔ مسلمانانو له د غلامې د دغې صورتحال نه خلاصي له د اسلامي ټولنو ترمېنځه نسلي فرق ختمول لازم دي۔ مونږ ته د يو موټې كېدو ضرورت دے لكه څنګه چې علامه محمد اقبال وئيلي دي چې كله په عمل كښې اتحاد نه وي نو د افكارو يووالې د كوم كار نه دے۔ ده ووئيل تركيه او پاكستان په دې لړ كښې د مشرانې كردار ترسره كولې شي او ټوله نړۍ په دې لړ كښې د فعاله كولو استعداد لرونكي هېوادونه يو ۔ ده ووئېل مونږ به په دې معامله هر ډول خطر سره مخ كېدو او د هڅو نه ډډه ونه كړو۔ ده ووئيل زمونږ هڅې به د يو مسلمان د ناحقه وېنې بهيولو تر مخ نيوي روانې وي۔ مونږ پاكستانو وروڼو ته د مسلمانانو لپاره لار په ګډه د هوارولو وړاندېز كوو۔ د تركيې اولس مشر ووئيل په نړيواله كچه د پارلمانونو روابط او خبرې هم د پاكستان او تركيې د سياستمدارو او اولس ترمېنځه د اړيكو ودې له مهم كردار ترسره كوي۔ بايد د دواړو هېوادونو د پارلمانونو ترمېنځه خبرې روانې وساتلې شي۔ په دې طريقه د تجارت او سرمايه كارې په اړه شريكه مرسته زياتول هم لازم دي۔ ده ووئيل د پاكستان او تركيې ترمېنځه كال 2009م كښې جوړ كړې شوې د لوړې كچې ستراتېژيكي كونسل زمونږ اړيكې په ادارجاتي فرېم اچولې دي۔ ده ووئيل مونږ د دې كونسل د لارې تر اوسه د 51 لوظنامو او اسنادو په نتيجه كښې په لنډه موده كښې اوږد مزل كړے خو دا كافي نه دے۔ ده ووئيل بايد مونږ خپل اولس لپاره روزګار پېدا كوونكې پروژې او نوې همكاري په شريكه عملي كړو۔ ترکیه او پاکستان ډېر استعداد لري٬ دا امكانات او موقعې په بشپړه توګه د كارولو په خاطر د هر ډول خنډ په وړاندې سر ټيټول نه دې پكار ٬ ده ووئېل مونږ له به د سرمايه كارۍ ودې ٬ انفراسټركچر كښې نوې سرمايه كارۍ ٬ هېلت او ډيفنس انډسټرۍ كښې په اړه شريكه مرسته لا زياتول او دې مقصد له په لوظي توګه كار روان ساتل وي ٬اولس مشر ووئې دې سره سره تركيه به پرمختيائي پروژو ته عملي شكل وركولو له د پاكستانيانو ملاتړ كوي٬ ترکيه اولس مشر ووئيل په كال 2010 كښې د راغلي سېلاب په مهال زمونږ د بشري خواخوږۍ تنظيمونو او ترك هلال احمر په غوره ډول د خپل طاقت څرګندونه كړې وه ٬بلخوا انډر ګرېجوېشن ٬ اېم اے ٬ اېم اېس سي او د ډاكټرېټ لپاره د تركيه سكالرشپس په سوب پاكستانو زده كوٶنكو تجربې زمونږ هېواد ته د رسولو سره نوي نسل ته د لوړو زده كړو لپاره هم پاكستانو وررڼِو له موقعه وركړې كېږي ٬ ده ووئيل مونږ په دې لر كښې د تركيه او پاكستان د اعلٰې تعليمي ادارو ترمېنځه راروانه مياشت لاس ليك كېدونكې لوظنامې تر مخه به هر كال زمونږ هېواد ته 500 پاكستانيانو له د پي اېچ ډي كولو آسانيو موقعې وركولې شي۔ ده ووئيل انشاء اللہ تعالیٰ په هر مېدان كښې به زمونږ پروژې په سباٶن كښې هم روانې وي ٬ ده ووئېل مونږ د پاكستان او افغانستان د ښه ګاٶنډيتوب اړيكو لپاره د مرستې زياتولو اهميت نه خبر يو او دا مرسته سيمه كښې د امن او سلاميتا لپاره په دې چاپېرچل كښې د اقتصادي استعداد او انفراسټركچر وړ پروژو له عملي شكل وركولو په اعتبار ضروري ده۔ ده ووئيل زمونږ د ژور حساسيت سره سره نزدې د 70 كلونو راهسې د كشمير د هواري وړ كشاله زمونږ ضميرونه ژوبل كوي۔ ده ووئيل په تېرو ورځو كښې په كشمير كښې رامخې ته شوې دړدناكې پېښې د دې مسئلې د هوارې اهميت يو ځل بيا رامخې ته كړې۔ ده ووئيل مونږ په كشميريانو وروڼو د ظلم زياتي نه خبر يو او په سيمه كښې په تاٶ تريخوالي زياتېدو سحته اندېښنه لرو۔ ده ووئيل سياسي او د بشري اړخونو وړ د دې شخړې د حقونو او قانون ترمخه هواري له نړيوالې وررولۍ له لا هلې ځلې كول پكار دي ۔ ترك اولس مشر رجب طیب اردوان ووئيل مونږ د كشمير دا مسئله د كشميريانو د هيلو له مخې د هند او پاكستان ترمېنځه نيغ په نيغه د خبرو اترو د لارې زر تر زره هوارېده غواړو۔ ده ووئيل تركيه به په دې معامله هره ممكنه مرسته او كردار لوبولو له چمتو وي۔ده ووئيل د دې خيالاتو سره د خپلې وينا په آخر كښې زه ستاسو د راكړي عزت او مينې د زړه د كومي مننه كوٶم او تاسو پاكستانيانو وروڼو ته يو ځل بيا د مينې او عزت په توګه سلام كوم ٬ ده دعا وكړه رب الکریم دې زمونږ د ټولو حامي او ناصر شي۔)م ع/ض ض/ګ ل/1849)