اسلام آباد 17 نومبر(اے پی پی) د ترکيې اولس مشر رجب طیب اردوان وئيلي دي چې د جمو او کشمیر په مسئله به ترکیه د پاکستان بشپړ ملاتړ روان ساتي ، د كشمير مسئله د خبرو اترو د لارې د ملګرو ملتونو د قراردادونو له مخې حل کولو ته اړتيا ده ، مونږ په لائن آف کنټرول د تاؤ ترېښوالې او په ځاني زيان د غم دړد څرګندونه كوو۔ ده دا خبره د زيارت پھ ورځ په وزیراعظم هاؤس كښې وزیراعظم محمد نواز شریف سره په شريك خبري کنفرنس كښې وكړه۔ د ترکيې اولس مشر ووئيل مونږ د کشمیر په مسئله د پاكستان ملاتړ روان ساتو٬ تركيه د کشمیر په اړه د او آئی سی د رابطه ډلې موجودہ صدر هم دے۔ ده پھ دې خبره زور راوړو چې د کشمیر مسئلې د پاکستان او هند ترمينځه د خبرو اترو د لارې حل كولو ته اړتيا ده۔ ده ووئيل د کشمیر مسئلې داسې حل ته حاجت دے كوم چې د ملګرو ملتونو د قراردادونو او د كشميري اولس د هيلو ترمخه د پاکستان او هند ترمينځه د خبرو اترو په میکنزم اډانه وي۔ ده ووئيل کشمیرې اولس يوې داسې نكتې ته رسېدلې كومه چې مونږ نوره نظر انداز كولې نه شو۔ په دې مهال وزیراعظم نواز شریف ووئيل د ملاقات په مهال ما اولس مشر رجب طیب اردوان په مقبوضه کشمیر كښې د بشري حقونو د پرله پسې خلاف ورزیو او پاكستان او هند د اړيكو اوسني صورتحال نه خبر كړے۔ ده د کشمیر شخړې امناكه حل له د اولس مشر رجب طیب اردوان د هڅو او د کشمیر په اړه د او آئی سی په رابطه ډله كښې د ترکیې په فعاله کردار مننه وكړه۔
